ءدىن ىستەرى ءمينيسترى سالافيتتەردىڭ ۋاقىت وتە كەلە جوق بولاتىنىنا سەنىمدى. اقتوبەلىك ستۋدەنتتەرمەن كەزدەسۋگە كەلگەن نۇرلان ەرمەكبايەۆ بۇل رەتتە ءتىپتى شايتانعا تابىنعان ساتانيستەردى دە مىسال رەتىندە كەلتىردى.

بۇل تۋرالى Qamshy.kz كتك ارناسىنا سىلتەمە جاساپ حابارلايدى. 

نۇرلان ەرمەكبايەۆ، ق ر ءدىن ىستەرى جانە ازاماتتىق قوعام ءمينيسترى:

-بۇرىن قايداعى ءبىر ساتانيستەر دە بولعان. ءتۇرلى سونداي سەكتالار كوبەيگەننەن كەيىن وزدەرىمەن ءوزى جوعالىپ كەتتى. سول سياقتى قازىرگى اناۋ سالافيت بولسىن، باسقا دا تەرىس اعىمدار سولاردىڭ ءبارى ساننەن شىعىپ قالادى.

مينيستر نۇرلان ەرمەكبايەۆ ەل ىشىندە ىلاڭ سالعان اسىرەدىنشىلەردىڭ داۋرەنى قاشان بىتەتىنىن ناقتى ايتا المادى. ەڭ باستىسى وزىمەن كەزدەسۋگە كەلگەن اقتوبەلىك جاستارعا «ولارعا ەرمەڭدەر» دەۋمەن بولدى. مۇنداي ەسكەرتۋگە بۇل ايماقتاعى ستۋدەنتتەردىڭ قۇلاعى ابدەن ۇيرەنگەن. ويتكەنى استانادان ءمينيسترى، پروكۋرورى مەن ءدىندارلارى بار 200 وكىل كەلگەلى بەرى مۇنداي جينالىستار كۇندە ءوتىپ جاتىر. ءدىن ىستەرى ءمينيسترى عالامتور جوق ۋاقىتتى قىزىعا ەسكە الاتىنىن دا ايتتى. ويتكەنى قازىرگى اقپاراتتىق زاماندا تەرىس ۇگىت-ناسيحات جۇرگىزەتىندەرگە توسقاۋىل قويۋ مۇمكىن ەمەستىگىن مويىنداپ وتىر.