اقتوبە وبلىسىندا اتا-اناسى كىسەندەپ ۇستاپ وتىرعان جىگىت پسيحديسپانسەرگە قابىلداندى. تالماسى ۇستاسا ەشكىمگە بوي بەرمەي كەتەتىن ازامات بوقانوۆتىڭ دياگنوزىن ماماندار ءبىر اي ىشىندە انىقتايمىز دەپ وتىر.

بۇل تۋرالى Qamshy.kz كتك ارناسىنا سىلتەمە جاساپ حابارلايدى.

25 جاستاعى بۇل جىگىت وسىدان 6 جىل بۇرىن اسكەردە سوققى العان. سودان ۇيىنە  ورالعالى بەرى وتباسىدا بەرەكە جوق. ويتكەنى زىڭگىتتەي جىگىتتىڭ اۋرۋى قوزعاندا ءال بەرمەي، كوزىنە كورىنگەنگە تيىسەدى. ءتىپتى، اكەسىنىڭ ساۋساعىن شايناپ تاستاعان. سوندىقتان كوتەرىلگەندە كىسەندەپ قويادى ەكەن. ەندى ماماندار ونى ءبىر اي پسيحديسپانسەردە ەمدەپ، ۇستاماسىنىڭ سەبەبىن انىقتاماقشى. كەيىن مۇگەدەكتىك راسىمدەۋگە كومەكتەسەمىز دەپ وتىر. ءبىراق ناۋقاستى ۇنەمى وقشاۋ ۇستاۋعا بولمايتىنىن ايتادى.

دانيار شالتاقوۆ، اقتوبە وبلىستىق پسيحونيەۆرولوگيالىق ديسپانسەرى باس دارىگەرىنىڭ ورىنباسارى:

-ناۋقاستى مۇندا وقشاۋلاپ ۇستاپ وتىرا المايمىز. سوندىقتان ديسپانسەردەن شىققان سوڭ ۇيدە دارىلەرىن ۋاقىتىلى بەرىپ وتىرۋ كەرەك. تالماسى ۇستاماسا ەشكىمگە زيانى جوق. مۇنداي دەرتكە قاتتى سوققى مەن پسيحولوگيالىق كۇيزەلىستىڭ كەسىرىنەن شالدىعادى ادامدار.