ءماجىلىس ءتوراعاسى نۇرلان نىعماتۋلين جەنيەۆادا ءوتىپ جاتقان پارلامەنتارالىق وداقتىڭ 135ء-شى اسسامبلەياسىنا قاتىستى. بۇل تۋرالى «قامشى» پورتالى ءماجىلىسى اپپاراتىنىڭ باسپا ءسوز قىزمەتىنە سىلتەمە جاساپ حابارلايدى.

ورتاق پىكىر الماسۋ بارىسىندا  ءماجىلىس سپيكەرى:

 - وسى جىلى قازاقستان تاۋەلسىزدىگىنىڭ 25 جىلدىعى تويلانادى. قىسقا مەرزىمدە ءبىزدىڭ ەلىمىز تۇڭعىش پرەزيدەنتىمىز نۇرسۇلتان ءابىش ۇلى نازاربايەۆتىڭ باسشىلىعىمەن جۇرگىزىلگەن ساياسي، الەۋمەتتىك-ەكونوميكالىق رەفورمالاردىڭ ارقاسىندا وراسان تابىستارعا قول جەتكىزدى. سونىمەن قاتار، جالپىعا بىردەي سايلاۋ قۇقىعى كەپىلدىگى، گەندەرلىك تەڭدىك جانە ادام قۇقىعىن قورعاۋ سالالارىندا ايتارلىقتاي جۇمىستار اتقارىلدى، - دەدى.

ءماجىلىس سپيكەرى اتاپ وتكەندەي، قازاقستاندا ادام قۇقىعىن قورعاۋ باعىتىندا قارقىندى دامۋ جولىنا تۇسكەن ۇلتتىق جۇيە قالىپتاسقان. ونىڭ ماڭىزدى ەلەمەنتتەرىنىڭ ءبىرى – ق ر پرەزيدەنتى جانىنداعى ادام قۇقىعى جونىندەگى كوميسسيا.

نۇرلان ءنىعماتۋليننىڭ ايتۋىنشا  سوڭعى جىلدارى قازاقستاندا ۇلتتىق زاڭنامانى جەتىلدىرۋ جولىندا ءبىرقاتار ماڭىزدى رەفورمالار قولعا الىندى، ول ءبىزدىڭ ەلىمىزدىڭ دەموكراتيا ۇردىستەرى مەن ادام قۇقىن قامتاماسىز ەتۋگە دەگەن شىنايى بەيىمدىلىگىن كورسەتەدى.  

پارلامەنتارالىق وداق 1889 جىلى قۇرىلعان. ول الەم پارلامەنتشىلەرىنىڭ ىس-ارەكەتىن ۇيلەستىرۋ قىزمەتىنە ارنالعان حالىقارالىق ۇيىم. پارلامەنتارالىق وداق بۇۇ-دا  بايقاۋشى مارتەبەسىنە يە.

قازاقستان ۇيىمعا 1993 جىلى 4 ناۋرىزدا مۇشە بولدى.  قازاقستان پارلامەنتىندە پاو ۇلتتىق توپ رەتىندە ءماجىلىس ءتوراعاسى باسقاراتىن قازاقستان رەسپۋبليكاسى پارلامەنتىنىڭ دەلەگاسياسى قۇرىلعان.