قازاقستاندا 39 مىڭ ادام زەينەتاقى جيناقتارىن مەرزىمىنەن بۇرىن ەسەپ-شوتتارىنان الا الادى. سەبەبى ولار اقشانى ەرىكتى تۇردە سالىپ وتىر، دەپ حابارلايدى «قامشى» پورتالى قازاقپاراتقا سىلتەمە جاساپ. «بجزق» اق ايماقتىق جەلىنى دامىتۋ دەپارتامەنتىنىڭ ديرەكتورى ناتاليا پاۆلوسكايانىڭ ايتۋىنشا،  وسىنداي ساناتتاعى ازاماتتار 50 جاسقا كەلگەندە زەينەتاقى سالىمدارىن مەرزىمىنەن بۇرىن الا الادى.

دەگەنمەن، پاۆلوسكايا «قازىرگى زەينەتاقى جۇيەسىنىڭ نەگىزگى ماقسات-مىندەتىن ۇمىتپاۋ كەرەك: ەل ازاماتتارى زەينەتاقىعا شىققاننان كەيىن قارجى جاعىنان قيىنشىلىق كورمەۋى ءتيىس. ەگەر زەينەتاقى سالىمدارىن مەرزىمىنەن بۇرىن الۋ مۇمكىندىگى بارلىق ادامدارعا بەرىلەتىن بولسا، ولاردىڭ بولاشاعى نە بولادى؟ وسىنى ويلاۋ قاجەت»، - دەپ ەسكەرتەدى.

ونىڭ ايتۋىنشا، I جانە II توپتاعى مۇگەدەكتەر دە زەينەتاقى سالىمدارىن مەرزىمىنەن بۇرىن الا الادى. بۇدان بولەك، زەينەتاقى اننۋيتەتىن العان 50 جاستاعى ايەلدەر مەن 55 جاستاعى ەر ادامدارعا ول اقشانى پايدالانۋعا رۇقسات بار.

ءقازىر ءبىرىڭعاي جيناقتاۋشى زەينەتاقى قورىندا سالىمداردى مەرزىمىنەن بۇرىن پايدالانۋ ماسەلەسى قارالىپ جاتىر. ول اقشاعا ەمدەلۋگە، نەسيەنى جابۋعا جانە تاعى باسقا شىعىندارعا جۇمساۋعا بولادى دەگەن ۇسىنىس بار. الايدا ساراپشىلاردىڭ سوزىنە قاراعاندا، زەينەتاقى جيناقتارىن بىردەن جۇمساپ تاستاسا، ەل ازاماتتارى زەينەتاقىسىز قالۋى ابدەن مۇمكىن.

بجزق-ىندا 10،1 ملن. زەينەتاقى سالىمدارى بار. سونىڭ باسىم بولىگى - 9،6 ملن.-ى مىندەتتى زەينەتاقى سالىمدارىنىڭ ۇلەسىندە. قازىرگى كەزدە قازاقستاندىقتار سالعان جيناقتاردىڭ جالپى سومماسى 6،2 تريلليون تەڭگەنى قۇراپ وتىر.

ەسكە سالاتىن بولساق، ءساۋىر ايىندا زەينەتاقى قورىنداعى اقشانىڭ جۇمسالىپ كەتكەنى تۋرالى اقپارات تارالعان بولاتىن، بۇعان بايلانىستى ق ر ۇلتتىق بانكى ءتوراعاسىنىڭ ورىنباسارى ولەگ سمولياكوۆ،: مالىمەتكە ساي، ءۇش جاقتى كەلىسىمشاتقا وتىرعان 6 بانك زەينەتاقى قورىنان 30 ملرد تەڭگە الدى. باعدارلامانىڭ ىسكە اسۋىن دامۋ قورى باقىلايدى. ەلىمىزدە جۇمىس ىستەيتىن 35 كوممەرسيالىق بانكتىڭ 30-ى باعدارلاما تالاپتارىنا ساي كەلىپ تۇر. قالعان بەسەۋى قاتىسپايدى»، - دەپ مالىمدەگەن ەدى.