بۇتىندەي ءبىر اۋدانعا الاش كوسەمى ءاليحان بوكەيحاننىڭ ەسىمى بەرىلىپ جاتقاندا، قاراعاندىداعى ساران قالاسىنداعى  238 كوشەنىڭ ەڭ بولماعاندا بىرەۋى قازاقشاعا وزگەرتىلسە دەگەن حالىقتىڭ ارمانى ورىندالمايتىن سياقتى. بۇل تۋرالى «قامشى» پورتالى «31 ارنا» جاڭالىقتارىنا سىلتەمە جاساپ حابارلايدى. 

«رابوچايا»، «فەستيۆالنايا»، «ۆەسەلايا»، «سولنەچنايا» سياقتى ساران قالاسىنداعى كوشەلەردىڭ سانى130-دان اسىپ جىعىلادى ەكەن. مۇنداعى 238 كوشەنىڭ قازاق تىلىندەگىسى بار بولعانى سەگىز پايىزدى عانا قۇرايدى. تۇرعىندار كوشەلەردىڭ اتتارىن تاريحي اتاۋلارعا وزگەرتۋدى سۇراپ، جاۋاپتى مەكەمەلەرگە ۇسىنىس حات تا جولداپتى. ءبىراق، كوشە اتتارىنىڭ ەسكىرىپ، ءمان-ماعىناسىز ەكەنىن مويىنداعان تىلدەردى دامىتۋ بولىمىنەن ءالى كۇنگە دەيىن جاۋاپ بولماعان. 

تىلشىلەردىڭ الدىنادا اشىعىن ايتقان قالا اكىمى قازاقشا اتاۋعا قارسى. ساران قالاسىنىڭ اكىمى اناتوليي شكارۋپا كوشە اتتارىن اۋىستىرۋعا ورىنداۋعا اسىقپايدى. ويتكەنى، داڭعىلداردىڭ اتتارىن اۋىستىرۋ جات نارسە دەپ وتىر.

ءبىراق ەكىنشى ءبىر سوزىندە قالا اكىمى اتاۋلاردى اۋىستىرۋ ماسەلەسى قارالىپ جاتىر دەگەنگە سەندىردى. سوزىنشە، قۇجاتتار دا ازىرلەنىپ جاتقان كورىنەدى. ال كوشەلەردىڭ ەسىمى قاشان جاڭارتىلاتىنىن شەنەۋنىك ايتپادى. 

ەسكە سالاتىن بولساق، قازاقستاندا كوشەلەردىڭ سوۆەتتىك كەزەڭدەگى اتاۋلارىن وزگەرتۋ ماسەلەسى وتە كۇردەلى. اتاپ ايتقاندا، ميرزويان اتاۋىنداعى كوشەگە قازاقشا اتاۋ بەرۋ رەسپۋبليكالىق دەڭگەيدە قاتتى تالقىلانعان ەدى.