ق ر ءىىم باسشىسى الماتىداعى بانك كۇزەتشىسىنە جاسالعان شابۋىلعا قاتىستى پىكىرىمەن ءبولىستى، دەپ حابارلايدى Qamshy.kz Baq.kz سايتىنا سىلتەمە جاساپ.

«ازىرگە وقيعانىڭ راديكالدارمەن بايلانىسىن قاراستىرىپ جاتقان جوقپىز. مەنىڭشە، بۇل جاي عانا شابۋىل. قىلمىسكەرلەر بانكتىڭ جۇمىس ءتارتىبىن الدىن الا باقىلاپ جۇرگەن، ءقازىر وسى بانكتى تەكسەرەتىن بولامىز. «سەنتركرەديتبانك» كەڭسەدە ورنالاسقان، تاڭ اتپاي وندا اقشا الىپ كەلگەن، اقشانى كۇزەتشى قابىلداپ العان. كۇزەتشى دارەتحاناعا شىعىپ كەتكەن كەزىندە ولار كۇزەتشىمەن بىرگە (اقشا تۇرعان قويماعا – اگەنتتىك) كىرىپ، اقشانى توناماق بولعان. كۇزەتشى قارۋىن – تراۆماتيكالىق تاپانشاسىن – الىپ شىعىپ، ءبىراق وق اتىپ ۇلگەرمەپتى. قاسكويلەر تاپانشاسىن تارتىپ العان، سول ساتتە بانكتىڭ باسقا قىزمەتكەرلەرى كەلىپ قالىپ، قاسكويلەر تايىپ تۇرعان. ءقازىر قىلمىسكەرلەردى ىزدەستىرۋ جۇمىستارى جۇرگىزىلىپ جاتىر»، - دەدى مينيستر قالمۇحانبەت قاسىموۆ ۇكىمەت وتىرىسىنان كەيىن جۋرناليستەردىڭ سايكەس سۇراقتارىنا جاۋاپ بەرگەن كەزىندە.

مينيستر اتاپ وتكەندەي، تراۆماتيكالىق تاپانشانى قىلمىسكەرلەر سول كۇيى وزدەرىمەن بىرگە الىپ كەتكەن.

ەستەرىڭىزگە سالا كەتەيىك، بۇگىن تاڭەرتەڭ الماتىدا «سەنتركرەديت» بانكىنىڭ بولىمشەسىنە شابۋىل جاسالدى. اقشا توناپ ۇلگەرمەگەن قىلمىسكەرلەر وزدەرىمەن بانك كۇزەتشىسىنىڭ تاپانشاسىن الىپ كەتكەن. الماتىدا «سيرەنا» ارنايى وپەراسياسى جاريالاندى.