بۇل تۋرالى «قامشى» پورتالى ق ر اشم باسپا ءسوز قىزمەتىنە سىلتەمە جاساپ حابارلادى. 2016 جىلدىڭ قاڭتار-قىركۇيەك ارالىعىنداعى اۋىل شارۋاشىلىعى ونىمدەرىنىڭ جالپى شىعارىلىمى بۇكىل رەسپۋبليكا بويىنشا 2 501،0 ملرد. تەڭگەنى قۇرادى. بۇل بىلتىرعى جىلدىڭ وسى كەزەڭىمەن سالىستىرعاندا 4،9%-عا جوعارى.

مال شارۋاشىلىعى سالاسىنداعى جالپى ءونىم 1 177،9 ملرد. تەڭگەنى قۇرادى.

ا.ج. 1 قازانداعى جاعداي بويىنشا مال باسى ورتاشا ەسەپپەن 1،1 %-عا ۇلعايعان. ايتالىق، جىلقى سانى 6،4%-عا ءوسىپ، 2 ملن. 269 مىڭ باستى قۇرادى. ال، ءىرى قارا مال سانى 2،7%-عا ءوسىپ، 6 ملن.831 مىڭ باستى قۇرادى.

تيىسىنشە، اۋىل شارۋاشىلىعى جانۋارلارىنىڭ وسىمىنە سايكەس قازاقستاندىقتار دا ەت پەن ەت ونىمدەرىن مولىنان تۇتىنا باستادى. مىسالى، ق ر ۇلتتىق ەكونوميكا مينيسترلىگى ستاتيستيكا كوميتەتىنىڭ دەرەكتەرىنە قاراعاندا، ا.ج. 1 قازانداعى جاعداي بويىنشا 651،5 مىڭ توننا مال مەن قۇس ەتى ساتىلعان. بۇل دا بىلتىرعى كورسەتكىشتەن 20 مىڭ تونناعا جوعارى.

سالانىڭ تاعى ءبىر ماڭىزدى كورسەتكىشىنىڭ ءبىرى – سيىر ءسۇتىن وندىرۋگە قاتىستى. اوك-تىڭ بۇل باعىتىندا 9 اي كولەمىندە ايتارلىقتاي ءوسىم بار. مىسالى، بىلتىرعى جىلعى ءونىم كولەمىمەن سالىستىرعاندا 4 150،6 مىڭ تونناعا جوعارى.

قازىرگى تاڭدا، ق ر اشم اوك دامىتۋ بويىنشا جاڭا مەملەكەتتىك باعدارلاما ازىرلەۋدە. ول «اگروبيزنەس-2020» باعدارلاماسىنا نەگىزدەلۋدە.