بۇگىن ۇكىمەت وتىرىسىندا اتىراۋ وبلىسىنان ونلاين تۇردە قوسىلعان اكىم نۇرلان نوعايەۆ ۇكىمەت باسشىسىنان اتىراۋ وڭىرىندەگى 89 ەسكى مۇناي ۇڭعىماسىنان ماي اعىپ، ەكولوگيانى ءبۇلدىرىپ جاتقانىن ايتىپ كومەك سۇرادى، دەپ حابارلايدى Qamshy.kz Baq.kz سايتىنا سىلتەمە جاساپ.

«ەنەرگەتيكا مينيسترلىگىندە بۇرىن يگەرىلگەن ەسكى مۇناي كەن ورىندارىنداعى 89 ۇڭعىما تىركەلگەن. ولار اپاتتى جاعدايدا، كەي جەرلەردە سول ۇعىمالاردان ماي اعىپ، جەردى، سۋدى ءبۇلدىرىپ، ەكولوگيالىق زارداپ اكەلىپ جاتىر. سونداي-اق اتىراۋ وبلىسىندا 180 گيدروگەولوگيالىق ۇڭعىما تىركەلگەن. ولاردان دا سۋ اتقىلاپ، قازىرگى تاڭدا باقىلاۋسىز جاتىر. ءسىزدىڭ اتىڭىزعا مەن وسى اقپاراتتاردى جازىپ، قولداۋىڭىزدى سۇراعان ەدىم. ءتيىستى مەملەكەتتىك ورگاندارعا تاپسىرما بەرۋىڭىزدى سۇرايمىن. بۇل وتە ءقاۋىپتى جاعداي، ءقازىر شارا قولدانباساق، سوڭىنان كەش بولۋى مۇمكىن»، – دەدى نۇرلان نوعايەۆ.

ال باقىتجان ءابدىر ۇلى بۇل ماسەلە ورىندى ەكەنىن ايتىپ، نازاردا ۇستايىنىن جەتكىزدى.

«كوتەرىلىپ وتىرعان ماسەلە وتە ورىندى. ەنەرگەتيكا مينيسترلىگىنەن ينۆەستيسيالار جانە دامۋ مينيسترلىگىمەن بىرلەسىپ، وسى ماسەلەنى قاراستىرۋدى سۇرايمىن»، – دەدى باقىتجان ساعىنتايەۆ.