الماتى ق. مەدەۋ اۋدانى اكىمى جىلقىبايەۆ ەرجان جۇمات ۇلى مەدەۋ اۋدانىنىڭ 2016 جىلدىڭ 9 ايى بويىنشا الەۋمەتتىك-ەكونوميكالىق دامۋىنىڭ قورىتىندىسى بويىنشا جاساعان بايانداماسىن نازارلارىڭىزعا ۇسىنامىز.
"بۇگىندە مەدەۋ اۋدانى 200 مىڭعا جۋىق حالقى بار، ەكونوميكالىق، تۋريستىك، جانە ينتەلەكتۋالدىق الەۋەتى زور ءىرى اكىمشىلىك جانە ىسكەرلىك ورتالىق بولىپ سانالادى.
ءبىزدىڭ اۋدان قالا كولەمىندە كەلەسىنى قامتاماسىز ەتەدى:
- بارلىق سالىق تۇسىمدەرىنىڭ 30 %؛
- قارجى وپەراسيالارىنىڭ 70 %؛
- بولشەك جانە كوتەرمە ساۋدانىڭ 20%؛
- ءجاو (جالپى ايماقتاق ءونىم) 2/3 بولىگى – ساۋدا جانە قىزمەت كورسەتۋ سالاسى.
اۋدان بويىنشا سالىق تۇسىمدەرى اعىمداعى جىلدىڭ 9 ايىندا 92 ملرد. تەڭگەگە ءوستى، اتاپ ايتقاندا، وتكەن جىلدىڭ ۇقساس كەزەڭىمەن سالىستىرعاندا 60% ءوسىپ 343،7 ملرد. تەڭگەنى قۇرادى.
سونىمەن قاتار مەدەۋ اۋدانى سالىق تۇسىمدەرى بويىنشا قالا كولەمىندە عانا ەمەس، رەسپۋبليكا كولەمىندە ءبىرىنشى ورىندا.
قازىرگى ۋاقىتتاعى ەكونوميكالىق داعدارىسقا قاراماستان اۋداندا جاڭا بيزنەس نىساندارى ۇزدىكسىز اشىلۋدا. جىل سايىنعى شارۋاشىلىق جۇرگىزۋشى سۋبەكتىلەردىڭ ءوسىمى 5-7% قۇراپ، جالپى سانى 11،5 مىڭعا جەتتى.
اۋدان بويىنشا ونەركاسىپ كاسىپورىندارىنىڭ جالپى سانى 170 نىسان، ولاردىڭ ىشىندە 12ء-ى ءىرى جانە ورتا كاسىپورىندار. مەدەۋ اۋدانىندا توقتاپ تۇرعان كاسىپورىندار جوق. ونەركىساپتىك ءوندىرىس كولەمى 61،1 ملرد. تەڭگە. ناقتى كولەم يندەكسى – 98%. قالا ءوندىرىسىنىڭ جالپى كولەمىندەگى اۋدان ۇلەسى 12%.
مەدەۋ اۋدانىنىڭ ەكونوميكالىق نەگىزى بولىپ كىشى جانە ورتا بيزنەس سانالادى. ونى دامىتۋ ماقساتىندا، كاسىپكەرلىكتى قولداۋ بويىنشا مەملەكەتتىك باعدارلامالار جۇزەگە اسىرىلۋدا.
كاسىپكەرلىك كارتالارىن قولداۋ بويىنشا بيىلعى جىلى ينۆەستيسيا سومماسى 10،5 ملرد. تەڭگە كولەمىندە 5 جوبا جۇزەگە اسىرىلىپ، وندا 500 جاڭا جۇمىس ورنى قۇرىلادى. «بيزنەستىڭ جول كارتاسى 2020» باعدارلاماسى بويىنشا 4،5 ملرد. تەڭگە قۇرايتىن 13 جوبا، 173 جاڭا جۇمىس ورنى قۇرىلادى. جىبەك جولى ايماقتىق باعدارلاماسى بويىنشا سومماسى 945،8 ملن. تەڭگە قۇرايتىن 15 جوبا.
مەملەكەتتىك كاسىپكەرلىكتى قولداۋ باعدارلامالارىنىڭ مۇمكىندىكتەرىن ءتۇسىندىرۋ اياسىندا، «اتامەكەن» ۇلتتىق كاسىپكەرلەر پالاتاسى جانە «دامۋ» فوندىنىڭ قاتىسۋىمەن ءبىز كاسىپكەرلەر كۇنىن وتكىزەمىز. تەك ءبىزدىڭ اۋدان عانا بۇنداي شارالاردى قالانىڭ بۇيرىعىنا سايكەس توقسان سايىن ەمەس، اپتا سايىن وتكىزۋدە.
ناتيجەسىندە، دامۋ فوندىنا 9 كومپانيا جانە 17 جەكە كاسىپكەرلەر، اتامەكەن ۇلتتىق كاسىپكەرلەر پالاتاسىنا 19 جەكە كاسىپكەرلەر مەن جەكە تۇلعالار ءوتىنىش بەردى.
سونىمەن قاتار، اعىمداعى جىلدىڭ 21 ماۋسىمىندا الماتى قالاسى زەنكوۆا ك-سى، جىبەك-جولى مەن ماقاتايەۆ كوشەلەرىنىڭ اراسىندا ءبىرىنشى پيلوتتىق جوبا ىسكە قوسىلىپ، 64 كولىك تۇراعى، 4 پاركومات ورناتىلدى.
بۇگىنگى كۇنى، وسى جوبا اياسىندا كوك بازار ايماعىندا 600 كولىك تۇراعى، 24 جاڭا پاركومات ورناتىلدى، 25 جۇمىس ورنى ءبولىندى.
بۇل جوبانىڭ باستالۋىمەن قالالىق بيۋدجەتكە 20 ملن. تەڭگەدەن اسا سالىق تولەندى.
بيىلعى جىلى 9 اي ىشىندە ينۆەستيسيا نەگىزگى كاپيتالعا كولەمى 65،7 ملرد. تەڭگەنى قۇرادى. ينۆەستيسيالاردىڭ جالپى كولەمىندەگى اۋداننىڭ ۇلەسى 19،6% بولىپ تابىلادى.
بيىلعى جىلى، ينۆەستيسيا كولەمى 4،5 ملرد. تەڭگە قۇرايتىن 700 دەن اسا جۇمىس ورنىمەن 11 ۇلكەن نىساندار اشىلدى.
ساۋدا سالاسىندا 2016 جىلى 9 اي ىشىندە بولشەكتىك ساۋدا اينالىمى 252 ملرد. تەڭگەنى قۇرادى. كوتەرمە ساۋدا اينالىمى بويىنشا ءبىز قالادا ءبىرىنشى ورىندى يەلەنەمىز. ءار ءتورتىنشى كوتەرمە ساۋدا مامىلەسى مەدەۋ اۋدانىندا جاسالادى. 9 اي ىشىندە بۇل كورسەتكىش وتكەن جىلمەن سالىستىرعاندا ءۇش ەسە كوبەيىپ، 1،5 ترلن. تەڭگەنى قۇرادى.
«قىزمەت كورسەتۋ سالاسى جانە تۋريزم» ۇستىمىزدەگى جىلى «Colibri» ساۋدا ويىن-ساۋىق ورتالىعى اشىلدى. جاڭا قوعامدىق تاماقتاندىرۋ وبەكتىلەرى اشىلدى، سونىڭ ىشىندە «جايلاۋ» ەتنو كافەسى (ينۆەستيسيا كولەمى 450 ملن. تەڭگەنى قۇرايدى). 3 جاڭا ءقوناقۇي اشىلدى – ساپار دە ليۋكس، شەرا پارك ين جانە ماكان.
وسىدان وزگە، قازاق ۇلتتىق اسحاناسىنىڭ 3 رەستورانى جىلدىڭ سوڭىنا دەيىن اشىلادى. ءبىر ايدان كەيىن «ميلدوم» قوناق ءۇيىنىڭ ەكىنشى بولىگى اشىلادى. كەلەر جىلى الەم برەندتەرى كەمپينسكيي ي نوۆوتەل سەكىلدى قوناق ءۇيدىڭ اشىلۋى جوسپاردا.
ودان باسقا، «تۇيىق سۋ» الپينيستىك جاتتىعۋ لاگەرىنىڭ ينۆەستيسيالىق جوباسى بويىنشا قايتا قۇرىلۋى جوسپارلانۋدا، ونىڭ ىشىندە: ماۋسىمدىق شاتىرلى قالاشىق، قۇتقارۋ قىزمەتىنىڭ جانە نۇسقاۋشىنىڭ بولمەلەرى، ەتنو-اۋىل، سپورتتىق الاڭ، الپينيستىك جيىنداردا الپينيستەردىڭ جينالۋ ورنى بولادى دەپ جوسپارلانۋدا. (ينۆەستيسيا سومماسى 85 ملن. تەڭگە).
كورىكتەندىرۋ. مەدەۋ اۋدانىندا 512 ىشكى اۋلا اۋماعى، 752 كوپ قاباتتى تۇرعىن ءۇي بار. جارتىسىنان كوبىنىڭ جاعدايى قاناعاتتانارلىق. جەرگىلىكتى بيۋدجەت قورىنان 455 ملن.تگ. 65 ىشكى اۋلا اۋماعى جوندەلۋدە.
بيزنەستىڭ الەۋمەتتىك جاۋاپكەرشىلىك باعدارلاماسى بويىنشا 125 ملن.تەنگەگە 12 ىشكى اۋلا اۋماعىن كورىكتەندىرۋ جۇمىسى جاسالدى.
2017 جىلى 200 ىشكى اۋلا ايماعىن كورىكتەندىرۋ جۇمىسىن جاساۋعا ۇسىنىس جىبەرىلدى.
ۇستىمىزدەگى جىلى كوكتەم مەزگىلىندە جولداردى سۋ باسۋ جايتتارى ورىن الدى. اتالعان جاعدايدى قالپىنا كەلتىرۋ ءۇشىن ارىق جۇيەلەرىنە اعىمدىق جوندەۋ جۇمىستارى جۇرگىزىلدى (11 اۋماقتا). جالپى ۇزىندىعى 2،4 شاقىرىمدى قۇرايدى. قارجىلاندىرۋ سومماسى 73 ملن.تنگ.
وسىدان وزگە «كولساي»، «اققايىڭ» جانە «سۇلۋساي» ىقشام اۋداندارىندا «جۇمىسپەن قامتۋ جول كارتاسى» مەملەكەتتىك باعدارلاماسى اياسىندا جالپى سومماسى 1 ملرد. تەڭگە جۋىق، 27 شاقىرىم جولعا ورتاشا جوندەۋ جۇمىستارى جۇرگىزىلۋدە.
كوشە تازالاۋ جۇمىستارى. اۋدان بويىنشا تازالاناتىن جولدار كولەمى 2،759 كم2 قۇرايدى، ۇزىندىعى 278،5 شاقىرىم. قارجىلاندىرۋ سومماسى 906،2 ملن. تەنگە.
جىلىتۋ جۇمىستارى بويىنشا – اۋدان اۋماعىندا وبەكتىلەر 100% مەرزىمىندە قوسىلدى. قار تازالاۋ جۇمىستارىنا تەحنيكالار دايىن.
كوشەلەردى جارىقتاندىرۋ. اۋدان بويىنشا جارىق شامدارىنىڭ جالپى سانى
14 148 دانانى قۇرايدى، سىرتقى جارىق جەلىلەرىنىڭ جالپى ۇزىندىعى 445،45 شاقىرىمدى قۇرايدى.
الەۋمەتتىك جاۋاپكەرشىلىك اياسىندا «ابن گرۋپپ» كومپانياسى 27 كوشە بويىنشا 1351 سۆەتوديودتىق شامداردى اۋىستىردى. جىل سوڭىنا دەيىن اتالمىش كومپانيا اۋداننىڭ 45 كوشەسىنە 33 شاقىرىمدى قۇرايتىن ەلەكتر جەلىلەرىن جانە 1195 دانا جارىق شامدارىن ورناتۋى جوسپارلانۋدا.
اسىرەسە ساياباقتار مەن تىنىم باقتارعا ەرەكشە كوڭىل بولىنەدى. جانە ول تەك جارىقتاندىرۋ عانا ەمەس، كۇتۋ جۇمىستارىنادا.
اۋداندا 2 ساياباق، 22 تىنىم ب ا ق، 5 بۋلۆار، 4 جاعالاۋ الاڭى بار. جالپى كولەمى
138،7 گا. قۇرايدى. بۇگىنگى تاڭدا «جامبىل»، «وقۋشىلار سارايى»، «مەملەكەتتىك مۇراجاي»، «جۋرناليستەر» تىنىم باقتارىنا، «جامبىل»، «پۋشكين» بۋلۆارلارىنا جانە «تەررەڭكۇر» دەمالىس ورنىنا اعىمدىق جوندەۋ جۇمىستارى جۇرگىزىلۋدە. جالپى قارجىلاندىرۋ سومماسى 117،5 ملن.تنگ. قۇرايدى.
ەسكى تۇرعىن ۇيلەردى بۇزۋ. باعدارلاماعا بايلانىستى اۋدان اۋماعىندا بۇزۋعا جالپى اۋماعى 37،8 مىڭ م2 قۇرايتىن 69 تۇرعىن ءۇي بار. قازىرگى ۋاقىتتا قازىبەك بي – كايىربەكوۆ – ايتەكە بي – بارىبايەۆ كوشەلەرىنىڭ كۆادراتىنداعى 9 تۇرعىن ءۇي بۇزىلدى. ماۋسىم ايىندا بۇزىلعان ەسكى تۇرعىن ۇيلەردىڭ ورنىنا 178 پاتەرلى 9 ەتاجدى كوپ قاباتتى 3 تۇرعىن ءۇي سالىنۋدا. ينۆەستيسيا قورى 9 ملرد. تگ. قۇرايدى. ماقاتايەۆ 5، 5ا، تيان-شانسكايا 5 كوشەلەرىندەگى ەكى قاباتتى 3 ەسكى تۇرعىن ۇيلەردى بۇزىپ، الماتى قالاسى اكىمدىگىنىڭ كۇردەلى قۇرىلىس كاسىپورنىمەن (كقك) 9 قاباتتى 3 تۇرعىن ءۇي سالىندى. بوگەنباي باتىر كوشەسى 19 مەكەن-جايىندا جىل سوڭىنا دەيىن 9 قاباتتى تۇرعىن ءۇي قۇرىلىسى اياقتالادى. ينۆەستيسيا قورى 1،5 ملرد. تەنگەنى قۇرايدى.
الەۋمەتتىك سالا – 2016-2020 جىلدارعا ارنالعان الماتى قالاسى دامۋ باعدارلاماسى بويىنشا ورتا جانە شاعىن بيزنەس، ونەركاسىپ ورىندارىندا 2016 جىلدىڭ 01 قازان ايىنا 2724 جاڭا جۇمىس ورىندارى قۇرىلدى، جىلدىق جوسپاردان 109.0% ورىندالدى.
مەدەۋ اۋداندىق جۇمىسپەن قامتۋ ورتالىعىنا «جۇمىسپەن قامتۋ جول كارتاسى 2020» باعدارلاماسىمەن 1760 ادام ءوتىنىش ءبىلدىردى. ونىڭ ىشىندە مۇمكىنشىلىگى شەكتەۋلى جاندار – 69 ادام، ايەلدەر – 570، 29 جاسقا دەيىنگى جاستار – 792 ادام.
الەۋمەتتىك جۇمىس ورنىنا جەرگىلىكتى بيۋدجەتتەن - 55 ادام جانە رەسپۋبليكالىق بيۋدجەتتەن - 63، جاستار تاجىريبەسىمەن 84 ادام جىبەرىلدى. جىل باسىنان بەرى تۇراقتى جۇمىسپەن قامتىلعاندار – 921ادام. سونىمەن قاتار، 59 مۇمكىنشىلىگى شەكتەۋلى جاندارعا جۇمىسپەن قامتۋ شارالارى جاسالىندى.
دەنساۋلىق ساقتاۋ. جالپى العاندا، اۋداننىڭ وڭىرلىك مەديسينالىق بىرلەستىگىندە 13 مەديسينا مەكەمەسى حالىققا قىزمەت كورسەتەدى. ونىڭ ىشىندە 3 مىڭعا جۋىق مەديسينالىق ماماندار جۇمىسپەن قامتالعان. دەنساۋلىق ساقتاۋ سالاسىندا، نارەستەلەر جانە انالار ءولىمى كورسەتكىشتەرى جاقسارۋدا. تۋبەركۋلەزبەن اۋرۋ جانە ءولىم كورسەتكىشتەرى تومەندەدى. سونىمەن قاتار، مەدەۋ اۋدانى 4 جىل قاتارىنا قالالىق رەيتىنگتىڭ 16 نەگىزگى كورسەتكىشتەرى بويىنشا 1 ورىن الۋدا.
ءبىلىم سالاسى. اۋداندا 28 مەملەكەتتىك 6 جەكمەنشىك مەكتەپتەر بار. 8 جىل بويى ءبىلىم سالاسىندا بارلىق كورسەتكىشتەر بويىنشا مەدەۋ اۋدانى كوشباسشى ورىنداردى يەمدەنيپ كەلەدى، ۇلتتىق بىرىڭعاي تەستىلەۋ بويىنشا الماتى قالاسى كولەمىندە تۇراقتى ەكىنشى ورىندى يەمدەنىپ كەلەدى.
2016 جىلى «ەڭ ۇزدىك پەداگوگيكالىق ۇجىم» بايقاۋى بويىنشا №159 گيمنازيا گران-پري جۇلدەسىنە يە بولدى، ال «ەڭ ۇزدىك پەداگوگ» بايقاۋىندا №12 گيمنازيا ءبىرىنشى ورىندى يەلەندى.
جىل ساناپ اۋداندا وقۋشىلار سانى ارتىپ كەلەدى. وتكەن جىلمەن سالىستىرعاندا ۇستىمىزدەگى جىلى 1910 بالاعا كوبەيدى. بۇل اسىرەسە اۋدان ورتالىعىندا، جاقسى كورسەتكىشتەرى بار مەكتەپتەر ورنالاسقان اۋماقتا سەزىلەدى.
سونىمەن قاتار اۋداندا 5941 بالانى قامتيتىن 17 مەملەكەتتىك بالاباقشا، 41 جەكە بالاباقشالار، 5 جەكە شاعىن-ورتالىقتار ورنالاسقان.
«بالاپان» باعدارلاماسىن جۇزەگە اسىرۋ اياسىندا 1 قازان كورسەتكىشى بويىنشا 27 بالاباقشاعا 1099 بالا قامتىلدى.
ۇستىمىزدەگى جىلى 18 جەكە بالاباقشا اشىلدى (ينۆەستيسيا كولەمى 930 ملن. تنگ. قۇرادى. جىل سوڭىنا دەيىن تاعى 3 جەكە بالاباقشا اشۋ جوسپاردا.
وسىدان وزگە بيزنەستىڭ الەۋمەتتىك جاۋاپكەرشىلىگى اياسىن ۇستىمىزدەگى جىلى №12، 159 مەكتەپتەردە سپورت الاڭدارىنا كۇردەلى جوندەۋ جۇمىستارى جۇرگىزىلدى، №197 مەكتەپتە سپورت زالى سالىندى، قازان ايىنىڭ سوڭىنا 600 ورىنعا ارنالعان №168 مەكتەپ-گيمنازياسىن اشۋ جوسپارلانىپ وتىر (ينۆەستيسيا قاراجاتى – 1 ملرد. تنگ اسادى.)،
«شيروكايا ششەل» جانە «سۇلۋساي» ىقشام اۋدانىندا 2 فەلدشەرلىك امبۋلاتوريا اشىلدى جانە 12 اۋلاعا جوندەۋ جۇمىستارى جۇرگىزىلدى، سومماسى 125 ملن. تنگ. قۇرادى.
الماتى قالاسىنىڭ اكىمدىگىنىڭ ءىىب اقپاراتتىق ساياسات جانە ب ا ق مونيتورينگى ءبولىمىنىڭ ۇسىنعان ماتەريالى.
