بۇل تۋرالى «قامشى» پورتالى مينيسترلىكتىڭ باسپا ءسوز قىزمەتىنە سىلتەمە جاساپ حابارلايدى.

2016 جىلعى 20 قازاندا حالىقارالىق ەپيزووتيالىق بيۋرونىڭ رەسمي نوتيفيكاسياسى بويىنشا رەسەي فەدەراسياسى ۆلاديمير وبلىسىنىڭ ۆىشمانوۆو اۋىلى اۋماعىندا اۋسىل اۋرۋى (Foot and mouth disease) تىركەلگەن.

ۆلاديمير وبلىسى 2016 جىلى حەب-مەن اۋسىل اۋرۋىنان ۆاكسيناسياسىز ەرىكتى ايماق قۇرامىنا جاتاتىندىعىن رەسمي تۇردە يەلەنگەن.

حەب-نىڭ جەر بەتى جانۋارلار سانيتارلىق كودەكسىنىڭ 8.8.2 بابىنا سايكەس اۋسىل اۋرۋىنا قارسى ۆاكسيناسيا (ەگۋ) جۇرگىزىلمەيتىن، اۋسىل اۋرۋىنان بوس ايماقتىڭ تالاپتارىنىڭ بىرىنە بەلگىلەنگەن ايماقتا اۋسىل اۋرۋىنىڭ سوڭعى 12 اي ىشىندە تىركەلمەگەندىگى بولىپ تابىلادى.

جوعارىداعىنى ەسكەرە وتىرىپ، قازاقستان رەسپۋبليكاسى اۋىل شارۋاشىلىعى مينيسترلىگىنىڭ ۆەتەريناريالىق باقىلاۋ جانە قاداعالاۋ كوميتەتى 2016 جىلعى 25 قازاننان باستاپ رەسەي فەدەراسياسىنان قازاقستان رەسپۋبليكاسىنا تومەندەگى تاۋارلار كىرگىزۋىنە ۋاقىتشا شەكتەۋلەر ەنگىزەدى:

اۋسىلعا بەيىم جانۋارلاردى؛

سيىر ەتىن؛

شوشقا ەتىن؛

قوي ەتىن؛

ءسۇت جانە ءسۇت ونىمدەرىن؛

جىلۋلىق وندەۋدەن وتكەن دايىن ونىمدەر؛

اۋسىلعا بەيىم جانۋارلاردى سويۋدان الىنعان تاعامعا قولدانىلمايتىن شيكىزاتتار مەن بۇيىمدارىن؛

اۋسىلعا بەيىم مالداردى ۇستاۋعا، سويۋعا جانە وڭدەۋگە قولدانىلعان جابدىقتارىن؛

جانۋارلارعا ارنالعان ازىقتار مەن ازىقتىق قوسپالار.