ال، «ءبىسمىللا» دەپ الاقانىڭدى جايىپ، قۇلاق ءتۇر، جاماعاتىم مەنىڭ!؟.

...رەسەي كوسەمىنىڭ سىرتقى كۇشتەردىڭ اسەرىمەن كوزقاراسىن وزگەرتە باستاۋى نەنى اڭعارتادى؟

ەڭ الدىمەن، ول وزگەرسە، بىزدىكى دە وزگەرەدى. بىزدىكى مۇسىلمانشىل، ازداپ ءدىنشىل، ازداپ قازاقشىل بولىپ دەگەن سياقتى كۇيگە تۇسەدى. بۇرىن ورىسقا سەنگەن، قىتايعا سەنگەن. ەندى ولاردان قايىر بولمايىن دەپ تۇر. انا باتىستاعى وفشورلارعا تىققاندارىن، شىعىستاعى وفشورلارعا جانتالاسا اۋىستىرعان. ەندى ودان قايىر بولمايىنتىنى ايداي اقيقات.

اقىر سوڭىندا ءوزى يتتەي جەك كورەتىن مۇسىلمان ەلدەرىنەن قورعان، پانا ىزدەي باستادى. انا تىققاندارىن ەندى دوربالاپ سول جاققا تاسىپ، «ينۆەستيسيا» دەگەن جەلەۋمەن ەلگە بىرتىندەپ الدىرتادى. ايتپەسە، ەڭبەگى جەلگە ۇشادى.

جاڭا جىلدان كەيىن اقش پەن رەسەي اراسىندا الاساپىران بولۋى مۇمكىن. نەمەسە ورىستىڭ ءوزى ويانىپ، ءوز ۇرىلارىنا قارۋدىڭ كۇشىمەن قارسى شىعىپ، توڭكەرىپ تاستايدى. ول جاقتاعى تاۋەلسىزدىگىن اڭساعان تالاي ۇلت تاۋەلسىزدىكتەرىن الادى، بولىنەدى، بولىسەدى.

ونىڭ سالقىنى ءبىزدىڭ تويىمسىز، تەكسىز رەسەيشىل ۇرىلارعا دا تيەدى. ورىستار ءبىزدىڭ ۇرىلاردىڭ بار قويالارىن اشادى. باسقاشا ايتقاندا، ءبىزدىڭ رەسەيشىلدەردىڭ ۇرلىقتارى شىعادى. قاشا المايدى. قاشىرمايدى. ءبىز ەمەس، شەتەلدىك كۇشتەر. قىتايدان قايىر بولمايدى. ولاردىڭ ءوزى ازەر ەلدى تىزگىندەپ ۇستاپ وتىر. جۇڭگو قوزعالسا، توپانسۋ باسقانمەن بىردەي.

ءبىزدىڭ قۇل-قۇتاندارعا قالعان ەندىگى جالعىز جول - وتىرىك قازاقشىل، ۇلتشىل، مەملەكەتشىل بولىپ، قىسقا عۇمىرلارىن ۇزارتا ءتۇسۋ. ول دا ۇزاققا بارمايدى. ءبارى بىت-شىت بولادى.

سونىڭ ناتيجەسىندە قازاق، قازاق ەلى ناعىز تاۋەلسىز مەملەكەت بولادى. وسى ايتقانىم كەلمەسە، ارعى قولىڭدى بەرى اكەل؟!.

جۇماش كەنەباي(كوكبورى)

25.10.2016 جىل