2016 جىلعى 27 قازاندا ساعات 16.00-دە ءال-فارابي اتىنداعى قازاق ۇلتتىق ۋنيۆەرسيتەتىنىڭ «ءال-فارابي» اتىنداعى كىتاپحاناسىندا قازاقستان رەسپۋبليكاسى تاۋەلسىزدىگىنىڭ 25 جىلدىعى مەن 1986 جىلعى جەلتوقساننىڭ 30 جىلدىعىنا ارنالعان فورۋم-كونفەرەنسيا وتەدى. شاراعا وقۋ ورنىنىڭ باسشىلىعى مەن پروفەسسورلىق-وقىتۋشىلار قۇرامى، 1986 جىلعى جەلتوقسانعا قاتىسۋشىلار جانە ستۋدەنت جاستار قاتىسادى.

اعىمداعى جىلى الماتى قالاسىندا 1986 جىلعى جەلتوقساننىڭ 30 جىلدىعىن اتاپ ءوتۋ اياسىندا جاستاردى پاتريوتتىق رۋح پەن وتانسۇيگىشتىككە باۋلۋ باعىتىندا «دوڭگەلەك ۇستەلدەر»، كونفەرەنسيالار، كەزدەسۋلەر، ادەبي كەشتەر، سپورتتىق جارىستار، جالپى سانى 110 ءتۇرلى فورماتتاعى ءىس-شارالار ۇيىمداستىرىلدى. جوعارىدا اتالعان شارالارعا 300-دەن استام «جەلتوقساندىقتار» قاتىسىپ، 10 500-دەن استام قالا تۇرعىندارى قامتىلدى. سونداي-اق، جەلتوقساننىڭ 30 جىلدىعى اياسىندا ق.ساتبايەۆ پەن جەلتوقسان كوشەلەرى قيىلىسىندا ورنالاسقان «تاۋەلسىزدىك تاڭى» ەسكەرتكىشىن قايتا قالپىنا كەلتىرۋ (رەستاۆراسيا) جانە كەشكى ۋاقىتتا جارىقتاندىرۋ جۇمىستارى جۇرگىزىلگەندىگىن اتاپ وتكىمىز كەلەدى.

الماتى قالاسىنىڭ اكىمدىگىنىڭ ءىىب اقپاراتتىق ساياسات جانە ب ا ق مونيتورينگى ءبولىمىنىڭ ۇسىنعان ماتەريالى.