Apple كومپانياسى كاليفورنياداعى كۋپەرتينو كەڭسەسىندە جاڭا ونىمدەرىن تانىتتى دەپ حابارلايدى «قامشى» پورتالى.
كەش بارىسىندا جاسالعان مالىمدەمە بويىنشا، Apple تۇتىنۋشىلارىنىڭ %60-ى iOS 10-دى قولددانادى. ال، %1ء-ى عانا Android Nougatء-تى قولدانادى ەكەن. iOS 10-نىڭ سوڭعى ۇلگىسى iOS 10.1 ارقىلى iOS 10-دا كەزدەسكەن اقاۋلار جويىلادى دەپ كۇتىلىپ جاتىر. Apple كۋپەرتينودا «قايتا سالەم(Hello Again) اتتى تۇساۋ كەسەر كەشىندە «ەسكىرگەن» MacBook Pro-نى تۇتاستاي جاڭارتاتىن ايتتى. سونداي-اق، جاڭا ءونىمى Nike Plus قول ساعاتىنىڭ 28 قازاننان باستاپ نارىققا شىعاتىنىن جاريالادى. تيم كۋكتىڭ جاساعان مالىمدەمەسى بويىنشا، Apple CEO-دا ءقازىردىڭ وزىندە 800 مىڭنان استام قولدانبا ورناتىلعان. Apple TVء-نى دە تانىتقان كۋك، Apple TVء-نىڭ ىشىندە Twitter ۋاقىت تۋنەلىنىڭ بولاتىنان حابار ەتتى. سونداي-اق، Apple TV-دان باسقا ەش جەردە تەلەديدار قاراۋدىڭ قاجەتتىلىگى قالمايدى دەدى. جىل اياعىنا دەيىن، Apple TV-دە Minecraft تە وينالاتىن بولادى.
كەشتە بەلگىلى بولعانداي، جاڭا Macbook Pro MacOs Sierra وپەراسيالىق جۇيەسىمەن جۇمىس ىستەيتىن بولادى. Photoshop ءۇشىن touchbar ەرەكشەلىگى قولدانۋشىلاردىڭ جۇمىسىن جەڭىلدەتەدى، سونداي-اق، Macbook-تەردە ەڭ كوپ قولدانىلعان باعدارلامالاردىڭ ءبىرى Final Cut-دا touchbar ارقىلى وزگەشە جۇمىس ىستەمەك. ال، 3D باعدارلامار 130 ەسە قۋاتتى، ويىندار %60، ۆيدەو وڭدەۋ %57 تەز جۇمىس اتقاراتىن بولادى.
جاڭا Macbook Pro-دا Intel Core i7 ورناتىلادى. Radeon Pro گرافيكاسى Polaris ديسپلەي بولادى. الدىڭعى بۋىن ۇلگىسىنەن 2،3 ەسە قۋاتتى جۇمىس ىستەيتىن بولادى. Macbook Pro-عا touch ID قوسىلدى، بۇدان بىلاي ساۋساق بەدەرى ارقىلى قاۋىپسىزدىگىن قورعايدى. جاڭا Macbook Pro-دا ەكى ەسە ۇلكەن touchpad كلاۆيراتۋرا تولىقتاي جاڭالاندى. 15،5 mm قالىڭدىعىنداعى جاڭا Macbook Pro-نىڭ كولەمى %20 كىشىرەيىپ، 4 پۋنتتىق (1814 gram) سالماعى بولادى. ول، بۇگىنگى ەڭ جۇقا، ەڭ جەڭىل Macbook Pro بولماق. الدىڭعى بۋىنىنا قاراعاندا 17 پايىز جۇقا، 23 پايىز جەڭىل.
جاڭا ءناسىل كومپيۋتەردى تانىستىرعان كۋك 20 جىل بۇرىنعى Powerbookء-تى ەسكە سالدى.ونىڭ ايتۋىنشا، Siri بارلىق Apple پلاتفورماسىندا جۇمىس ىستەيتىن بولادى.
كەش بارىسىندا كۋك iPhone 7 تۋرالى دەرەكتەر بەرىپ، Apple Store باعدارلاماسىنىڭ قايتا جاساقتالىپ جاتقانىنان حابار بەردى. ونىڭ ايتۋىنشا، Macbook Pro-نىڭ ەڭ ارزانى 1499 قىمباتى بولسا 2.399 دوللاردان ساتىلاتىن بولادى.
