تاجىكستاندا ۆاحش وزەنىندەگى روگۋن سۋ ەلەكتر ستانسياسىنىڭ قۇرىلىسى رەسمي تۇردە باستالدى. بۇل تۋرالى «قامشى» پورتالى قازاقپاراتقا سىلتەمە جاساپ حابارلايدى.  سالتاناتتى شاراعا ەل پرەزيدەنتى ەمومالي راحمون قاتىسىپ، ول بۋلدوزەر رولىنە وتىرىپ، وزەن ارناسىن بۇرىپ، سۋ قويماسىن جاساۋ ءۇشىن ءبىر جارىم ساعات بويى قيىرشىق تاس توككەن.

1 شىلدە كۇنى تاجىكستان ۇكىمەتى يتاليالىق Salini Impregilo S.p.A. كومپانياسىمەن قۇنى 3،9 ملرد. دوللار بولاتىن شەكتەلمەلى كەلىسىمگە قول قويدى. العاشقى ەكى تۋربينانى ىسكە قوسۋ 2018 جىلدىڭ ەكىنشى جارتىسىنا جوسپارلانعان.

تاجىك كوشباسشىسى سالتاناتتى جيىندا «اتا-بابالارىمىزدىڭ يگى ءداستۇرىن جالعاي وتىرىپ، كورشىلەرىمىزدى ەشقاشان سۋسىز قالدىرمايتىنىمىزدى تولىق جاۋاپكەرشىلىكپەن مالىمدەيمىن»، - دەپ مالىمدەگەن.

سونداي-اق، تاجىكستان باسشىسى نىساننىڭ وزەن ساعاسى ەلدەرىندەگى پايدالاناتىن جەرلەردى سۋلاندىرۋدى دا جۇزەگە اسىراتىنىن حابارلادى.

ايتا كەتسەك، وزبەكستان روگۋن گەس قۇرىلىسىنا تۇبەگەيلى قارسى، ولار سەيسميكالىق ءقاۋىپتى ايماقتاعى توعاننىڭ ءامۋداريا ساعاسىنداعى حالىققا ءقاۋىپتى ەكەنىن جانە سۋ قويماسى قۇرىلىسىنان ەگىن سۋارۋعا سۋ جەتپەي قالاتىنىنان الاڭدايدى. ەگەر جوبا جۇزەگە اسسا، الەمدەگى ەڭ بيىك (335 م) توعان بولادى جانە ونىڭ ىسكە قوسىلۋى ەلدەگى ەنەرگيانىڭ جەتىسپەۋشىلىگى ماسەلەسىن شەشە الادى.