استانا قالاسى ءىىد جەرگىلىكتى پوليسيا قىزمەتىنىڭ باسشىسى، پوليسيا پولكوۆنيگى باقىتجان مالىبايەۆ ءماسليحات دەپۋتاتتارىمەن كەزدەسۋ كەزىندە پوليسەيلەردىڭ پارا الۋىنىڭ نەگىزگى سەبەپتەرىنە توقتالدى، دەپ حابارلايدى Qamshy.kz ۆaq.kz سايتىنا سىلتەمە جاساپ.

«جول-پاترۋلدىك پوليسياسىنىڭ قىزمەتكەرلەرى كوشەدە بىرەۋدى توقتاتسا، ولار پارا ۇسىناتىنى جاسىرىن ەمەس. شىنىمەن دە قىزمەتكەرلەر جەمقورلىققا جول بەرىپ جاتادى. قازاقتا: «التىن كورسە پەرىشتە جولدان تايادى» دەگەن ءسوز بار. ولار ۇنەمى وسىنداي جاعدايعا تاپ بولاتىنى سوندىقتان»، – دەيدى باقىتجان مالىبايەۆ.

ونىڭ ايتۋىنشا، استانادا جىل باسىنان بەرى پارا العان 12 قىزمەتكەر جۇمىسىنان قۋىلعان.

«مەن ءوز قىزمەتكەرلەرىمدى قورعاپ جاتقان جوقپىن. جالپى، بيىلعى جىلدىڭ 9 ايىندا استانادا 280 مىڭ اكىمشىلىك قۇقىق بۇزۋشىلىق تىركەلدى. ونىڭ 12ء-سى پارا العان پوليسەيلەرگە قاتىستى. ەندى سول 280 مىڭنىڭ 12ء-سىن پايىزعا شاققاندا كورسەتكىش وتە تومەن ەكەنى بەلگىلى. ءبىراق مەن جاۋاپكەرشىلىكتەن قاشپايمىن. وسى تۇرعىدا جۇمىس ىستەپ جاتىرمىز»، –دەيدى پوليسيا قىزمەتىنىڭ باسشىسى.

informburo.kz پورتالىنىڭ مالىمەتىنشە، باقىتجان مالىبايەۆ پوليسەيلەردىڭ پارا الۋىنا جالاقىنىڭ تومەن بولۋى دا سەبەپ بولىپ وتىرعانىن ايتقان.

«كۇن سايىن جالاقىنى كوتەرۋ قاجەت ەكەنىن ايتىپ كەلەمىز. ىشكى ىستەر مينيسترلىگىنە ۇسىنىس جاسادىق. ەڭ بولماسا اكىمشىلىك قولداسا جاقسى بولار ەدى. سەرجانت قىزمەتىندەگىلەر 55-60 مىڭ تەڭگە كولەمىندە الادى. ال كوپ جىلدىق تاجىريبەسى بارلاردىڭ جالاقىسى 80 مىڭنان اسپايدى. ولاردىڭ دەنى پاتەر جالداپ تۇرادى»، – دەيدى ول.

جالاقى تومەن بولعاندىقتان كادر تاپشىلىعى بار ەكەن. ونىڭ ايتۋىنشا، استانا قالاسى ءىىد جەرگىلىكتى پوليسيا قىزمەتىنە 218 مامان قاجەت.