الماتى وبلىسىندا اعايىندىلاردىڭ ولىمىنە قاتىستى ءۇشىنشى كۇدىكتى انىقتالدى. ۇڭگىرتاس اۋىلىنىڭ تۇرعىنى باقىت بايقاسىموۆ مارقۇمداردىڭ قالاي ولتىرىلگەنىن كورگەن. جىگىت، ءتىپتى، ءالى ءتىرى جاتقان ازاماتتاردىڭ بىرىنە اراشا تۇسپەك تە بولىپتى. ءبىراق قورىقتىم دەگەن جەلەۋمەن كەيىن پوليسياعا حابارلاماعان. ءتارتىپ ساقشىلارى دا ونى سىبايلاس رەتىندە ۇستاعانىمەن، كەيىن قولحاتپەن بوساتىپ جىبەرگەن.
بۇل تۋرالى كتك ارناسى حابارلايدى.
ء-ۇش اعايىندىنىڭ ولىمىنە قاتىسى بار دەلىنگەن ءۇشىنشى كۇدىكتى وسى ۇڭگىرتاس اۋىلىنان ەكەن. ەلدى مەكەن قالعان ەكى كۇدىكتىنىڭ اۋىلدارىنا جاقىن ورنالاسقان. جانە ۇرلىقى مال ءبىراز كۇندەرى وسىندا ۇستالىپ ءجۇرىپتى. جانە ونىڭ بارلىعىن كورشى-قولاڭ كورگەن. ولار اۋىلداستارىنىڭ بۇل قىلمىسقا قاتىسى بارىنا ەش تاڭقالماي وتىر. ويتكەنى، باقىت بايقاسىموۆ بۇرىن دا ءىستى بولعان ەكەن.
باقىت بايقاسىموۆتى و باستا قامالعان ەكى كۇدىكتى بايقاۋسىزدا ۇستاپ بەرگەن ەكەن. باسىندا «تەك ەكەۋ بولدىق» دەگەندەر قاستارىندا تاعى تانىسىنىڭ جۇرگەنىن ايتىپ قالعان. ءۇشىنشى كۇدىكتى قاندى قىلمىس بولعان كەزدە تاۋدا مال باعىپ ءجۇرىپتى.
گۇلجان جۇرمانوۆا، باقىت بايقاسىموۆتىڭ تۋىسى:
ء-وزىنىڭ مالى ەمەس ول، ول-شابان. بىرەۋدىڭ شابانى بولىپ جۇمىس ىستەيتىن. ول تابىلعان جۇمىس ىستەدى عوي بىلايشا ايتقاندا. ونىڭ ءۇيى دە جوق، كۇيى دە جوق. جالعىز ءوزى ايتەۋىر كۇنكورىس.كورگەن دە جوقپىز قايدا تۇرادى، نە تۇرادى بىلمەيمىز ول جاعىن.
بۇل –سول ءۇشىنشى كۇدىكتى بايقاسىموۆتىڭ تۋىستارى. جەڭگەسىنىڭ ءوزى قايىنىسىنىڭ كىسى ولىمىنە قاتىسى بار-جوعىن بىلمەيمىن دەپ باسىن الا قاشتى. ەسەسىنە كورشىلەرى جىگىتتىڭ ءجۇرىسى جايلى ايتىپ بەردى. ءۇش اعايىندىنىڭ ولىمىنە قاتىسى بار دەلىنگەن ءۇشىنشى كۇدىكتى اۋىلدا ۇنەمى شارۋاسىز، ءارى اراق ءىشىپ ءجۇرىپتى.
ورىنكۇل باتىرحانوۆا، ۇڭگىرتاس اۋىلىنىڭ تۇرعىنى :
-ەندى كورەمىز عوي اۋىلدا جۇرگەندە اراق ىشەتىنىن. توپتالىپ جۇرگەندە ىشەدى، كورەمىز ەندى كوشەدەن ءىشىپ جۇرگەنىن.
باقىت بايقاسىموۆ مارقۇمداردىڭ قالاي ولتىرىلگەنىن كوزبەن كورگەن. ول بايقاۋسىزدا قىلمىستىڭ ۇستىنەن ءتۇسىپتى. جىگىت، ءتىپتى، ءالى ءتىرى جاتقان قادىلبەككە اراشا تۇسپەك تە بولعان ەكەن. ءبىراق ءوزىن دە قوسا اتىپ جىبەرە مە دەپ قورقىپ، قىلمىس تۋرالى جاق اشپاعان. پوليسيا ونى سىبايلاس رەتىندە كۇدىككە العانىمەن، كەيىن قولحاتپەن جىبەرە سالعان. دەسە دە، مارقۇمداردىڭ تۋىستارى ونىڭ دا جازاعا تارتىلۋىن سۇراپ وتىر.
ەركىن بەيسەكە، مارقۇمداردىڭ تۋىسى:
-باقىت قىلمىستىڭ ۇستىنەن تۇسكەن. مۇمكىندىگى بولا تۇرا مالىمدەگەن جوق. سوندىقتان ول دا سول قىلمىسقا قاتىسقان دەپ ەسەپتەيمىز. بۇل قىلمىستىڭ ىشىندە ءۇش اداممەن اقىرلاسۋى مۇمكىن ەمەس. ونى ۇيىمداستىرعان باسقا دا ادامدار بولۋى مۇمكىن.
كۇدىكتىلەردىڭ مايىتتەردى وسى اۋىل ارقىلى الىپ وتكەندىگى دە كۇدىك تۋدىرادى. ءقازىر تەرگەۋ اياقتالعان. ولارعا قاتىستى سوت وسى قاراشا ايىندا باستالادى دەپ كۇتىلۋدە.
