سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ باسپا ءسوز قىزمەتى "فەنيكس" كوركەمفيلمىنىڭ تۇسىرىلىمدەرىنە بولىنگەن قاراجاتتىڭ جىمقىرىلعانىن انىقتادى، - دەپ حابارلادى.
تەرگەۋدىڭ مالىمەتىنشە، "قازاقفيلم" اق-نىڭ "ت.ك.TURAN UNIVERSAL BUSINESS" جشس-عا ءفيلمنىڭ وندىرىسىنە 79 ميلليون تەڭگە بولگەنى انىقتالعان. "ونىڭ 69 ميلليون تەڭگەسىن كارتينا پروديۋسەرى تۇڭعىشباي جامانقۇلوۆ جىمقىرعان. ول - "ت.ك.TURAN UNIVERSAL BUSINESS" جشس-نىڭ قۇرىلتايشىسى"، - دەلىنگەن حابارلامادا. وسىعان بايلانىستى تۇڭعىشباي جامانقۇلوۆتىڭ بۇگىن، 2 قاراشادا ۇستالعانى بەلگىلى بولدى.
سونداي-اق، قاراجاتتىڭ قوسالقى مەردىگەرلىك ۇيىمداردا قولما-قول اقشاعا اينالدىرىلىپ، تۇڭعىشباي جامانقۇلوۆقا بەرىلگەنى ايتىلادى.
سونىمەن قاتار، قاراجات جىمقىرۋعا "قازاقفيلم" اق-نىڭ ەكونوميكا جانە قارجى جونىندەگى باسقارۋشى ديرەكتورى گ.ىسقاقوۆانىڭ جانە ءفيلمنىڭ اتقارۋشى پروديۋسەرى ن.يۋدينانىڭ قاتىسى بار ەكەنى دالەلدەنگەنى حابارلانىپ وتىر. ايتا كەتەيىك، ولار سوتتىڭ سانكسياسىمەن قاماۋعا الىنعان بولاتىن.
ەسكە سالا كەتەتىن بولساق، جاقىندا عانا تۇڭعىشباي جامانقۇلوۆ مادەنيەت جانە سپورت ءمينيسترىن سىناعان ەدى.
