الداعى جەتى جىلدا قازاقستان اۋماعىندا اتوم ەلەكتر ستانساسى سالىنبايتىن بولدى، - دەپ حابارلايدى Qamshy.kz.
بۇل تۋرالى ەلدىڭ ەنەرگەتيكا ءمينيسترى قانات بوزىمبايەۆ مالىمدەدى.
مۇنداي شەشىمگە قازاقستاندا ەلەكترەنەرگياسىنىڭ جەتىسپەۋشىلىگىنىڭ جوقتىعى سەبەپ بولعان.
بۇعان قازاقستان باسشىلىعى رەسەي اتوم كاسىپورنى جانە جاپوندىق Toshiba كومپانياسىمەن بىرنەشە جىل بويى اتوم ەلەكتر ستانساسىنىڭ قۇرىلىسى تۋرالى كەلىسسوزدەر جۇرگىزىپ كەلگەن ەدى.
«قازاقستاندا ءقازىر ەلەكتر ەنەرگياسىنىڭ جەتىسپەۋشىلىگى جوق، جازدا 5 مىڭ مەگاۆاتت، قىس ايلارىندا شامامەن 3،5 مىڭ مەگاۆاتت ەلەكترەنەرگياسى ارتىلىپ قالۋدا. ءبىز ۇزاق مەرزىمگە بالانس جاسادىق. الداعى جەتى جىل ىشىندە ەشقانداي دەفيسيت بولمايدى، سوندىقتان بۇل ۋاقىت ىشىندە اتوم ستانساسى سىندى جاڭا قۋات كوزىن سالۋ قاجەتتىلىگىن كورىپ وتىرعان جوقپىز»، - دەگەن مينيستر ق. بوزىمبايەۆ.
