بۇگىن تالدىقورعان قالاسىندا ءوتىپ جاتقان الماتى وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا سۋديا بەرىكجان ءبايجۇنىسوۆ باقىتبەك ەسەنتايەۆقا قاتىستى سوت ۇكىمىن جاريا ەتتى.

بۇل تۋرالى Qamshy.kz قازاقپاراتقا سىلتەمە  جاساپ حابارلايدى. 

سۋديا   باقىتبەك ەسەنتايەۆتى قاتاڭ رەجيمدەگى كولونيادا 9 جىلعا باس بوستاندىعىنان ايىرۋ تۋرالى ۇكىم تاعايىندادى. ايتا كەتەرلىگى، الماتى وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا ەسەنتايەۆقا قاتىستى قىلمىستىق ءىس جابىق رەجيمدە، القا بيلەردىڭ قاتىسۋىمەن وتكەن بولاتىن. ءوزىنىڭ كولىگىندە جۇبايىن زورلاپ، بىرنەشە جەردەن پىشاقتاعان باقىتبەك ەسەنتايەۆ بىرنەشە قىلمىستىق باپ بويىنشا ايىپتالۋدا.

ب. ەسەنتايەۆ ق ر قك-نىڭ 24-باپ 3ء-بولىمى، 99-باپتىڭ 2ء-بولىمى 10-تارماعى (زورلاۋمەن نەمەسە سەكسۋالدىق سيپاتتاعى زورلىق-زومبىلىق ارەكەتتەرiمەن ۇشتاسقان ادام ءولتiرۋگە وقتالۋ) 120-باپتىڭ 1ء-بولىمى (زورلاۋ) 121-باپتىڭ 1ء-بولىمى (سەكسۋالدىق سيپاتتاعى زورلىق-زومبىلىق ارەكەتتەرى) بويىنشا ايىپ تاعىلعان ەدى. ەستەرىڭىزگە سالا كەتەيىك، بايان ماقسات قىزى ماۋسىمنىڭ ونى كۇنى بىرنەشە جەردەن پىشاقتالىپ، اۋىر جاراقاتپەن تالعار اۋدانىنداعى اۋرۋحاناعا تۇسكەن بولاتىن. بەلگىلى پروديۋسەر، ەكى بالانىڭ اناسى بايان ماقساتقىزىن ءوزىنىڭ كۇيەۋى ولتىرمەك بولدى دەگەن كۇدىكپەن باقىتبەك ەسەنتايەۆ ۇستالىپ، قاماۋعا الىندى. سونداي-اق قازىرگى تاڭدا بايان بۇرىنعى تەگىنە قايتا ورالعان سىڭايلى. ول الەۋمەتتىك جەلىدەگى پاراقشالارىنا بايان ماقسات قىزى دەگەن وزگەرىس ەنگىزگەن.