ءال-فارابي اتىنداعى قازۇۋ ۋنيۆەرسيتەتىندە سەمەي يادرولىق پوليگونى جابىلۋىنىڭ 25 جىلدىعىنا وراي «جاستار يادرولىق قارۋسىز الەمى ءۇشىن» ستۋدەنتتىك فورۋمى ءوتتى، - دەپ حابارلايدى Qamshy.kz.

ستۋدەنتتىك فورۋم جۇمىسىنا قازۇۋ رەكتورى عالىم مۇتانوۆ، حالىقارالىق «نيەۆادا-سەمەي» انتيادرولىق قوزعالىسىنىڭ پرەزيدەنتى ولجاس سۇلەيمەنوۆ، انتيادرولىق قوزعالىسىنىڭ ارداگەرلەرى، الماتى قالاسىنىڭ جوو جاستار ۇيىمدارىنىڭ جەتەكشىلەرى قاتىستى.

«مەملەكەتى باسشىسى  نۇرسۇلتان نازاربايەۆ يادرولىق قارۋدى سىناقتان وتكىزۋگە تىيىم سالۋ، قارۋ-جاراقتى تاراتپاۋعا قاتىستى ءبىرسىپىرا جاھاندىق ۇسىنىستارىن جاساعان بولاتىن. قازۇۋ ستۋدەنتتەرى ءتۇرلى جوبالارعا، اعارتۋشىلىق ءىس-شارالارعا قاتىسۋ ارقىلى پرەزيدەنتتىڭ جاھاندىق ۇسىنىستارىن قولداۋ جونىندەگى قوزعالىسىنا بەلسەندى ارالاسۋدا. بۇل «اتوم»، «جاسىل كوپىر»،جاھاندىق قۋات- ەكولوگيالىق ستراتەگيا، «XXI عاسىر» بىتىمگەرشىلىك باعدارلامالارى: سوعىسسىز بەيبىتشىلىك»،-دەپ اتاپ ءوتتى قازۇۋ رەكتورى عالىم مۇتانوۆ.

كەزدەسۋ بارىسىندا ولجاس سۇلەيمەنوۆ جاھاندىق قاۋىپسىزدىك پەن بەيبىتشىلىك قاعيدالارىن كەڭىنەنتاراتۋدىڭ ماڭىزدىلىعىنا توقتالدى. «1991 جىلدىڭ 29 تامىزىندا سەمەي يادرولىق پوليگونىنىڭ جابىلۋى تاۋەلسىزدىكتىڭ ءبىرىنشى قادامى بولدى. شيرەك عاسىر بۇرىن قازاقستاندىقتار يادرولىق قارۋدى تاراپتاۋ جانە قارۋسىزداندىرۋ قوزعالىسىن باستاپ كەتتى. بۇگىندە الەمدەگى بەس پوليگوننىڭ ءۇنى ءوشىپ تۇر. بۇل ءبىرىنشى كەزەكتە قازاقستاننىڭ جاساعان ەڭبەگىنىڭ زور جەمىسى»،-دەدى «نيەۆادا-سەمەي» انتيادرولىق قوزعالىسىنىڭ پرەزيدەنتى ولجاس سۇلەيمەنوۆ.

ءال-فارابي اتىنداعى قازۇۋ-دا وتكەن فورۋمدا، «نيەۆادا-سەمەي» جاستار قوزعالىسى قاناتىنىڭ تۇساۋ كەسەرى ءوتتى. «يادرولىق زۇلماتپەن كۇرەس جالعاسۋدا، ەندى، بىز-ارداگەرلەر، ەستافەتانى جاستاردىڭ قولىنا بەرەمىز»،-دەدى ولجاس سۇلەيمەنوۆ. جاس ادامداردىڭ ءرولى مەن ولاردىڭ مۇمكىندىكتەرىن ايتا وتىرىپ، قوعامدىق قايراتكەر مەن اقىن قازۇۋ ستۋدەنتتەرىنىڭ جاھاندىق انتيادرولىق قوزعالىسىنداعى  بەيبىتشىلىك ميسسياسىن تولىعىمەن قولدادى.

«قازاقستان جوعارى وقۋ ورىندارى اراسىنداعى ءال-فارابي اتىنداعى قازۇۋ ۋنيۆەرسيتەتىنىڭ كوشباسشىلىعىن ەسكەرە وتىرىپ، يادرولىق قاۋىپسىزدىك ماسەلەلەرىن جانە نيەۆادالىقتاردىڭ وسيەتتەرى مەن باستامالارى قولداپ وتىرعان ۋنيۆەرسيتەت ستۋدەنتتەرى ەل جانە بۇكىل دۇنيەجۇزى جاستارىن پلانەتانىڭ تۇراقتى ءدامۋىۇشىن جانە يادرولىق قارۋدى تاراتۋعا قارسى كۇرەستە بىرىگۋگە شاقىرادى»،-دەدى «نيەۆادا -سەمەي» جاستار ۇيىمىنىڭ جەتەكشىسى گۇلجانات تانابەكوۆا. ءبىر ايتا كەتەرلىگى،  جاستار ۇيىمى قاناتىنىڭ قىزمەتى جاستار ساناسىندا يادرولىق قارۋلاندىرۋدى توقتاتۋ، الەمدە يادرولىق قارۋسىز بەيبىتشىلىك ءومىر ءسۇرۋ يدەيالارىن ناسيحاتتاۋعا ارنالعان.

  فورۋمدا الماتى قالاسىنىڭ جاستارى قازۇۋ ستۋدەنتتەرىنىڭ يادرولىق قارۋعا قارسى جاڭا دەڭگەيدەگى كۇرەس پەن بەيبىت ءومىر ەستافەتاسىن جالعاستىرۋ جونىندە ۇندەۋ قابىلدادى. جاھاندىق باستامانى الماتى قالاسىنىڭ بارلىق جاستار ۇيىمدارىنىڭ جەتەكشىلەرى قولداپ، «نيەۆادا-سەمەي» ۇيىمىنىڭ جاستار قاناتىنىڭ بولىمشەلەرىن ءوز ۋنيۆەرسيتەتتەرىندە قۇرۋعا دايىن ەكەندىكتەرىن جەتكىزدى. ءال-فارابي اتىنداعى قازۇۋ تۇراقتى دامۋ مەن بەيبىتشىلىكتىڭ ماڭىزدى قۇندىلىقتارىن ناسيحاتتاۋعا ارنالعان ءىس –شارالارىن ۇدايى ۇيىمداستىرۋدا.