ءال-فارابي اتىنداعى قازۇۋ مەن يۋنەسكو اراسىنداعى ىنتىماقتاستىق شەڭبەرىندە الماتىدا يۋنەسكو-نىڭ (SACAM) وڭتۇستىك جانە ورتالىق ازيا بيوسفەرالىق رەزەرۆاتتار جەلiسiءنىڭ «بيوسفەرالىق رەزەرۆاتتار جانە تۇراقتى دامۋ» اتتى 8ء-شى وتىرىسى ءوتتى. تالقىلاۋدىڭ باستى تاقىرىبى «ادام جانە بيوسفەرا» (ماب) يۋنەسكو باعدارلاماسىنىڭ 2016-2025 جىلدارىنا ارنالعان ليما جوسپارىنا ارنالدى، - دەپ حابارلايدى Qamshy.kz.
«ق ر اۋىل شارۋاشىلىعى ۆيسە-مينيسترى ەرلان نىسانبايەۆتىڭ اتىنان ق ر يۋنەسكو جانە يسەسكو ءىسى بويىنشا باس حاتشىسى اسەل ۋتەگەنوۆا كەزدەسۋدى اشتى. «اۋىل شارۋاشىلىعى مينيسترلىگى ەرەكشە قورعالاتىن تابيعي اۋماقتاردى ارتتىرۋ ۇستىندە، بيوسفەرالىق رەزەرۆاتتار ارنايى بولىمشە بولىپ تابىلادى. قازاقستاندا بيوسفەرالىق رەزەرۆاتتاردىڭ العاشقىسى 2012 جىلى يۋنەسكو ءبىرىنشى رەت قورعالجىن مەملەكەتتىك قورىعىنىڭ قازاقستاندىق ءوتىنىمىن قابىلدانعاندا پايدا بولدى. بۇگىنگى كۇنى رەسپۋبليكا بويىنشا ولار التاۋ» - دەپ اسەل ۋتەگەنوۆا ۆيسە-مينيستردىڭ بايانداماسىندا اتاپ ءوتتى.
سپيكەرلەر مەن بايانداماشىلار تابيعي ورتانىجانە بيولوگيالىق رەسۋرستاردى زەرتتەۋدە ەلىمىزدىڭ عالىمدارىنىڭ ۇزاق مەرزىمدى جۇمىسىن جوعارى باعالادى جانە ماب باعدارلاماسىن دامىتۋعا ەرەكشە نازارلارىناۋداردى. ءال-فارابي اتىنداعى قازاق ۇلتتىق ۋنيۆەرسيتەتىنىڭ رەكتورى عالىم مۇتانوۆ ءوز سوزىندە، «عالامشارىمىزدىڭ بيولوگيالىق الۋانتۇرلىلىكتى ساقتاۋ، جەردىڭ تۇراقتىلىعى ءۇشىن ەڭ ماڭىزدى ەكولوگيالىق فاكتورلار ادامزات قوعامىنىڭ دامۋىنىڭ اجىراماس بولىگى بولىپ تابىلادى» - دەپ اتاپ ءوتتى. رەكتور ۇلتتىق ۋنيۆەرسيتەت«ادام جانە بيوسفەرا» باعدارلاماسىن بەلسەندى تۇردە جاھاندىق جانە ۇلتتىق دەڭگەيدە جۇزەگە اسىرىپ جاتقانىن اتاپ ءوتتى.
بۇعان دالەل ماب-تىڭ ليما ءىس-قيمىل جوسپارىنىڭ جانە جاھاندىق ستراتەگيانىڭ 12 ازىرلەۋشىسىنىڭ ءبىرى بولىپ ءبىزدىڭ ۋنيۆەرسيتەتىمىزدىڭ تۇراقتى دامۋ بويىنشا يۋنەسكو كافەدراسىنىڭ پروفەسسورى، سونداي-اق ماب قازاقستاندىق ۇلتتىق كوميتەتتىڭ ءتوراعاسى رومان ياششەنكو بولىپ تابىلادى. ماب قازاقستاندىق ۇلتتىق كوميتەتتىڭ قۇرامىنا ءال-فارابي اتىنداعى قازۇۋ-دىڭ ءتورت قىزمەتكەرى كىرەدى، ولار گەوگرافيا جانە تابيعاتتى پايدالانۋ فاكۋلتەتىنىڭ دەكانى ۆيتاليي سالنيكوۆ، كافەدرالاردىڭ باسشىلارى حايني-كامال قاسىمحانوۆا، گۇلنار نيۋسۋپوۆا جانە دوسەنت ديليارا ۆۋدۆورد.
بارىنشا اسەرلى بولۋ ءۇشىن حالىقارالىق ساراپشىلاردىڭ قاتىسۋى قاجەت. ولاردىڭ كوپشىلىگى، مۇنداي اۋقىمداعى كەزدەسۋلەر ايماقتاعى ماسەلەلەرگە ناقتى مالىمدەمە بەرەدى دەپ ەسەپتەيدى. «مەن سىزدەرگە ءبىزدىڭ جۇمىسىمىزدىڭ ماڭىزدىلىعىن ەگجەي-تەگجەيلى ايتپايمىن، ءبىراق ءبىرىنشى كەزەكتە ءبىزدىڭ ىسكە بىرنەشە ەلدەردىڭ قوسىلۋىنا الىپ كەلگەن وتكىزىلگەن شارالاردىڭ تيىمدىلىگىن اتاپ وتكىم كەلەدى. ال بۇل ۇلكەن ناتيجە!» - دەپ نيۋ-دەلي شتاب-كۆارتيراسىنان SACAM حاتشىسى رام بۋج ايتتى.
كەزدەسۋ بارىسىندا قازاقستاندا قولدانىستاعى 6 بيوسفەرالىق رەزەرۆاتتار تۋرالى باياندامالاردى، سونداي-اق قازاقستاننان قاراتاۋ قورىعىن جانە التىن-ەمەل ۇلتتىق ساياباعىن يۋنەسكو-نىڭ بيوسفەرالىق رەزەرۆاتتار دۇنيەجۇزىلىك جەلىسىنە ەنگىزۋ تۋرالى ەكى جاڭا وتىنىمدەردى جوعارى باعالادى. «ۇيىمداستىرۋ كوميتەتىنىڭ بىرلەسكەن جۇمىسىنىڭ جانە جاھاندىق ماسەلەلەردىڭ شەشىمىن تابۋعا كونفەرەنسيا دەلەگاتتارىنىڭ ۇمتىلىسىنىڭ ارقاسىندا بۇل كەزدەسۋ جاقسى ءوتتى، اسىرەسە قازاق ۇلتتىق ۋنيۆەرسيتەتى كەزدەسۋدىڭ جوعارعى دەڭگەيدە وتۋىنە زور ۇلەسىن قوستى» - ەقۇ عىلىمي قورىنىڭ پروفەسسورى مانزۋر سۋمرو دەدى.
كەزدەسۋ بارىسىندا، ءاربىر قاتىسۋشىەلدەروزدەرىنىڭ رەزەرۆاتتاردى ساقتاۋ تۋرالى ارالىق جانە قورىتىندى ناتيجەلەرى بويىنشاەسەپتەرىن بەردى. كەيبىر باعدارلامالاردىڭ ۇيلەستىرۋشىلەرى جۇمىسىنا سىڭىرگەن ەڭبەگى ءۇشىن ماب حاتشىسى، يۋنەسكو-نىڭ كلاستەرلىك بيۋروسىنىڭ، عىلىمي باعدارلامالارىنىڭ مامانى ماري پرحالوۆا قولىنان ديپلومدار الدى. «بيوسفەرالىق رەزەرۆات التىن ەمەل» نوميناسياسىن دايىنداۋ بويىنشا جۇمىستارعا ءال-فارابي اتىنداعى قازۇۋ ستۋدەنتتەرىنىڭ قاتىسۋى قازاقستاندىق ۇلتتىق گەوگرافيالىق قوعامىنىڭ تاراپىنان قولداۋ تاپتى.
