وليمپيادانىڭ ەكى دۇركىن چەمپيونى يليا يلين ۇلتتىق جانە شتاتتىق كوماندالار ديرەكسياسىنىڭ كەڭەسشىسى قىزمەتىنە تاعايىندالدى. وسىعان وراي، بۇگىن تانىمال سپورتشىنى مادەنيەت جانە سپورت ءمينيسترى ارىستانبەك مۇxامەدي ۇلىنىڭ ءوزى قابىلداپ، پرەزيدەنتتىڭ سالەمىن جەتكىزدى،- دەپ xابارلايدى  Qamshy.kz  قازاقپاراتقا سىلتەمە جاساپ.  

«مەملەكەت باسشىسى دوپينگكە قارسى xالىقارالىق ۇيىمنىڭ مالىمدەمەسى بويىنشا قاتتى الاڭداپ، ەل سپورتشىلارىن نازاردان تىس قالدىرماي، قولداۋ جاساۋدى تاپسىردى. ءبىزدىڭ ۇستانىمىمىز - حالىقارالىق وليمپيادا كوميتەتى قانداي قورىتىندى شىعارسا دا، ءاربىر سپورتشى ءوزىنىڭ قابىلەت-قارىمىن بارىنشا پايدالانىپ، ومىرلىك تاجىريبەسىن كەيىنگى ءىزباسارلارىنا قالدىرۋى قاجەت»، - دەدى مينيستر.

ءوز كەزەگىندە يليا يلين جاڭا قىزمەتتە وزىنە جۇكتەلگەن مىندەتتەردى ابىرويمەن اتقارۋعا تىرىساتىنىن جەتكىزدى. «مەملەكەت باسشىسىنا مىڭ العىس ايتامىز. شىنى كەرەك، بارلىق سپورتشىلار ءۇشىن ول (دوپينگ داۋى - اۆتور) ۇلكەن سوققى بولدى. ماعان قاتىستى رەسمي xات ءالى كەلگەن جوق. دەگەنمەن، مەملەكەتتىڭ وسىنداي قامقورلىق جاساپ جاتقانى قۋانتادى. مۇمكىندىك بولسا، نۇرسۇلتان ءابىشۇلىنا مەنىڭ اتىمنان العىس ايتىڭىزشى. مەنى سۇراسا، ءبارى دۇرىس، امان-ەسەنمىن دەڭىز»، - دەپ اتاپ ءوتتى ي.يلين. ءمينيستردىڭ ايتۋىنشا، دوپينگ داۋىنا ىلىككەن بىردە-بىر سپورتشى قولداۋسىز قالمايدى.