الماتىدا «BOSTANDYK ءىNVEST FORUM» ينۆەستيسيالىق فورۋمى ءوتتى
«مەملەكەتتىك-جەكەمەنشىك ارىپتەستىك (ءمجا) جانە بيزنەستىڭ الەۋمەتتىك جاۋاپكەرشىلىگى» تاقىرىبىنداعى فورۋمعا الماتى قالاسى اكىمىنىڭ ورىنباسارى ەرلان اۋكەنوۆ، شەتەلدىك ينۆەستورلار، قارجى ينستيتۋتتارىنىڭ، الماتى اۋداندارى اكىمدىكتەرى، شوب وكىلدەرى قاتىستى.
الماتىنىڭ بوستاندىق اۋدانى اكىمدىگىنىڭ باستاماسىمەن «ءىnter Contءىnental» قوناق ۇيىندە وتكەن فورۋم جان-جاقتى دايىندالىپتى. الماتى قالاسىنداعى ءمجا اياسىنداعى ينۆەستيسيالىق جوبالار كورمەسى، ينۆەستورلارمەن، بيزنەس وكىلدەرىمەن كەزدەسۋ، ءتۇرلى سەسسيالار، پلەنارلىق وتىرىستار، ت.ب. فورۋم جۇمىسىنىڭ جان-جاقتىلىعىن كورسەتتى. فورۋمنىڭ اشىلۋىندا الماتى قالاسى اكىمىنىڭ ورىنباسارى ەرلان اۋكەنوۆ، بوستاندىق اۋدانىنىڭ اكىمى بەكقالي تورعايەۆتار بايانداما جاسادى.
بايانداماشىلار، باسقا دا سپيكەرلەر الماتىداعى «مەملەكەتتىك-جەكەمەنشىك ارىپتەستىك» اياسىنداعى جوبالاردىڭ جۇزەگە اسۋى، بيزنەستىڭ الەۋمەتتىك جاۋاپكەرشىلىگى جونىندە ءسوز قوزعادى. فورۋمعا قاتىسۋشىلار پلەنارلىق وتىرىستاردى مەگاپوليستە قولعا الىنىپ جاتقان ينۆەستجوبالاردىڭ ەۋروپالىق تاجىريبەلەرى، ءمجا-نىڭ ارتىقشىلىقتارى جونىندە تالقىلاۋ وتكىزدى. فورۋمعا ارنايى دايىندالعان كىتاپشادا ءمجا اياسىنداعى 25 جوبا جان-جاقتى بەرىلىپتى. ولاردىڭ اراسىندا «جەڭىل رەلستى كولىك قۇرىلىسى مەن پايدالانىلۋى»، «بالاباقشا قۇرىلىسى»، «كوشە جارىعى»، ت.ب. ينۆەستيسيالىق جوبالار بار. مىسالى:
جوبا: جەڭىل رەلستى كولىك (جىلدام ترامۆاي) جەلىسى قۇرىلىسى جانە ونى پايدالانۋ
جوبانىڭ ماقساتى: الماتى قالاسىندا جرك ەندىرۋ
قاجەت ينۆەستيسيا: 95300 ملن. تەڭگە
جۇزەگە اسۋ مەرزىمى: 2017 – 2019ج.ج.
قۋاتى: 31 ۆاگون، جولاۋشى اعىنى – كۇنىنە 63 مىڭ ادام، ۇزاقتىعى – 22 شاقىرىم.
جوبانىڭ قاجەتتىلىگى: جولاۋشىلار تاسىمالى سەكتورىن جانە تۋريستىك سالانى دامىتۋ.
جوبا: الماتى قالاسىنىڭ كوشە جارىعىن مودەرنيزاسيالاۋ.
ماقساتى: كوشە جارىعىن مودەرنيزاسيالاۋ، ەلەكتر ەنەرگياسىن 50 پايىزعا ۇنەمدەۋ.
قاجەت ينۆەستيسيا: 11800 ملن. تەڭگە.
قۋاتى: 80 مىڭ ناتريي لامپانى جارىقديودتى لامپاعا اۋىستىرۋ.
جۇزەگە اسۋ مەرزىمى: مودەرنيزاسيا – 5 جىل.
كەلتىرىلگەن ينۆەستجوبالار قاتارىندا، سونداي-اق، ءال-فارابي اتىنداعى قازۇۋ اۋماعىندا «عىلىم ءۇيىن» سالۋ، مەگاپوليس بويىنشا بىرنەشە بالاباقشا قۇرىلىسى، ناۋرىزباي اۋدانىندا «ارناۋلى جەدەل جاردەم ستانساسى» ەمحاناسىن سالۋ. ت.ب. جوبالار بار.
ينۆەستفورۋم جۇمىسىنا الماتىعا ينۆەستيسيا قۇيۋعا دايىن شەتەلدىك كومپانيالار وكىلدەرى دە قاتىستى. سولاردىڭ ءبىرى «Sanlas Holdءىng» كومپانياسىنىڭ باس ديرەكتورى داۆيد فالمان «الماتى. مجە قاعيداتى بويىنشا وڭالتۋ ورتالىقتارىن قۇرۋدا ەۋروپالىق تاجىريبەنى ەنگىزۋ تۋرالى» بايانداما جاسادى.
ق ر پرەزيدەنتى، ەلباسى ن.نازاربايەۆتىڭ تاپسىرماسى بويىنشا ەلدە «مەملەكەتتىك-جەكەمەنشىك ارىپتەستىكتى» دامىتۋ قولعا الىنىپ وتىر. بۇل – ءبىرىڭعاي مەملەكەتتىك بيۋدجەتكە يەك ارتپاي، الەۋمەتتىك جوبالاردى جۇزەگە اسىرۋعا شاعىن جانە ورتا بيزنەستى تارتىپ، ينۆەستيسيا قۇيۋ. ال جەرگىلىكتى بيلىك ءوز تاراپىنان بيزنەسكە بار جاعداي (جەر تەلىمدەرى، ينجەنەرلىك-كوممۋنيكاسيالىق جەلىلەرى، زاڭداستىرۋ، ت.ب. جەڭىلدىكتەر) جاساۋى قاجەت. ەلباسى تاپسىرماسى الماتىدا قارقىندى قولعا الىنعان. «BOSTANDYK ءىNVEST FORUM» باسقوسۋى دا وسى باعىتتاعى ينۆەستجوبالاردىڭ تانىستىرۋ الاڭىنا اينالدى.
نۇرلان ءسۇيىن
"الماتى اقشامى" گازەتى
