قازاقستان رەسپۋبليكاسى ينۆەستيسيالار جانە دامۋ مينيسترىلىگى جاريالاعان قازاق جەرىندەگى وزگەرگەن تەمىر جولى بەكەتتەرىنىڭ اتاۋى تۋرالى جاڭالىقتى ەستىپ، قاتتى قۋاندىق. الايدا، قوستاناي وبلىسىندا ورنالاسقان ءجىتىقارا تەمىرجول بەكەتىنىڭ جاڭادان بەرىلەتىن اتاۋى نەمەسە ترانسكريپسياسى «جەتىقارا» دەپ كورسەتىلىپتى. ءبىزدىڭ ويىمىزشا، بۇل ورەسكەل قاتە. ويتكەنى، سول حابارلامادا بەكەتتىڭ ورنالاسقان جەرى قوستاناي وبلىسىنىڭ ءجىتىقارا اۋدانى دەپ اتاپ كورسەتىلگەن. ءبىر اۋداندا جەتىقارا جانە ءجىتىقارا دەگەن ەكى ءتۇرلى اتاۋ بولمايدى عوي.

ءجىتىقارا قالاسىنىڭ اتاۋى ءبىراز ۋاقىت جەتىقارا دەپ جازىلىپ كەلگەنى راس. ءجىتىقارا ورىس تىلىنەن قازاقشاعا كوشكەن اتاۋ ەمەس، كەرىسىڭشە، الدىنا «د» ءارپىن قويىپ، بۇرمالانىپ جازىلعان اتاۋ بولدى. سودان ورىسشا دجەتىگارا بولىپ ايتىلعان ءسوز قايتادان «شالا قازاقشالانىپ»، جەتىقارا بولىپ بۇرمالانعان بولاتىن. قازىرگى ۋاقىتتا تاريحي ادىلەت قالپىنا كەلتىرىلدى.

ورىس پاتشاسىنىڭ وكىلى تيەۆكەليەۆتىڭ 1748 جىلى جازىلعان قۇجاتتارىندا: «ابۋلگاير-حان كوچۋەت نىنە وت ورسكا نا ۆەرشينە كامىشلاك-رەكي نا دۆۋدەننۋيۋ ەزدۋ، ا دجانەبەك-تارحان – پو رەكە توبولۋ ۋ نازىۆاەموي گورى دجيتىكارا ەزدى نا تري دنيا» («يستوريا كازاحستانا ۆ رۋسسكيح يستوچنيكاح ءحۇى-حح ۆەكوۆ»، توم 3،152 بەت)» – دەگەن دەرەكتەر بار. وسى ورىس تىلىندەگى تاۋ اتىنىڭ جازىلۋىنان دا، ونىڭ اتاۋى جەتىقارا ەمەس، ءجىتىقارا بولعانى كورىنىپ تۇر.

كەيىنگى ۋاقىتتا جارىق كورىپ جاتقان بارلىق ەنسيكلوپەديالىق انىقتامالىقتار مەن كىتاپتاردا، ۋيكيپەديادا ءجىتىقارا - قوستاناي وبلىسىنىڭ ءجىتىقارا اۋدانىنداعى قالا، اۋدان ورتالىعى دەپ اتاپ كورسەتىلگەن. قوستاناي وبلىسىنىڭ جەتiقارا قالاسى مەن جەتiقارا اۋدانى اتاۋلارىنىڭ ترانسكريپسياسىن وزگەرتۋ تۋرالى جانە جiتiقارا قالاسىن اۋداندىق ماڭىزى بار قالالار ساناتىنا جاتقىزۋ تۋرالى قازاقستان رەسپۋبليكاسى پرەزيدەنتiنiڭ جارلىعىنا نازار اۋدرايىق. وندا: «1997 جىلعى 30 ءساۋiردەگi N 3475 «قازاقستان رەسپۋبليكاسىنىڭ اكiمشiلiك-اۋماقتىق قۇرىلىسى تۋرالى» قازاقستان رەسپۋبليكاسىنىڭ 1993 جىلعى 8 جەلتوقسانداعى زاڭىنىڭ 9-بابىنا سايكەس قاۋلى ەتەمiن:

1. اتاۋلاردىڭ ترانسكريپسياسى: قوستاناي وبلىسىنىڭ جەتiقارا قالاسى مەن جiتiقارا قالاسى؛ قوستاناي وبلىسىنىڭ جەتiقارا اۋدانى جiتiقارا اۋدانى بولىپ وزگەرتiلسiن.

2. قوستاناي وبلىسىنىڭ جiتiقارا قالاسى قوستاناي وبلىسىنىڭ جiتiقارا اۋدانىنىڭ قۇرامىنا ەنگiزiلiپ، اۋداندىق ماڭىزى بار قالالار ساناتىنا جاتقىزىلسىن» - دەپ تايعا تاڭبا باسقانداي جازىلعان.

ولاي بولسا، كەتكەن قاتەلىكتى تەز ارادا وزگەرتكەن ءجون.

اقىلبەك شاياحمەت،

احمەت بايتۇرسىنوۆ اتىنداعى قمۋ پروفەسسورى، جازۋشى

قوستاناي قالاسى