ەكونوميكا جانە بيۋدجەتتى جوسپارلاۋ ۆيسە-مينيسترى ءمادينا ءابىلقاسىموۆا حانىمنىڭ قانداستارعا قاتىستى پىكىرى ۇكىمەت قۇرامىنداعى ادامنىڭ ايتاتىن ءسوزى مە؟ جۇيكەمە قاتتى ءتيىپ وتىر. ءبىر زامانداردا تاعدىردىڭ تالكەگىمەن اۋا كوشىپ، سىرت جايلاپ كەتكەن، كەيىن قىزىل اياق قىر كەشىپ، جالاڭ اياق جار كەشىپ اتامەكەنگە اڭساپ جەتكەن باۋىرلاردىڭ (تاعدىرلارعا) ساۋاتسىزىن كورسەم كوزىم سوقىر بولسىن! تىزىمگە جاساساق جارتى قازاقستان بولار ەدى، دەگەنمەن جاقسىلىق ءساميت ۇلى باستاعان اقىن-جازۋشىلار، زاردىحان قينايات باستاعان سۇراپىل تاريحشىلار، وتانبەك پەن مايرا، ەركىن ەرگەن باستاعان انشى-كۇيشىلەر، شۇعىلا سىندى بيشىلەر، قانات يسلام باستاعان سپورت ساڭلاقتارى، مادەنيەت پەن ونەردە وزا شاۋىپ ولجا سالىپ جۇرگەن كەيىنگى جاستار،ەلدىڭ ەكونوميكاسىنا قان جۇگىرتىپ جاتقان بيزنەس-ەليتانى قايدا قويامىز؟ ورىسشاسى وسال بولعانى ءۇشىن "باسىم كوپشىلىگى ساۋاتسىز..." دەپ ءدال وسىلاي قاتاڭ پىكىردى قالىڭ بۇقارانىڭ تالقىلاۋىنا تاستاۋعا بولا ما؟ ءمادينانىڭ اكەسى، ءبىر كەزدەگى پارلامەنت دەپۋتاتى ەراسىل ءابىلقاسىموۆتىڭ "جوبالارى" ەل ەسىنەن شىعا قويعان جوق. ال، قىزىنىكى نە جوبا؟