24 جاستاعى ماقسۇت ادىلبايەۆتىڭ دەنەسىن ەكىباستۇز اۋدانىنان تاپقان پوليسەيلەر، ونىڭ ولىمىنە كۇدىكتى 2 ادامدى تۇتقىندادى.
بۇل تۋرالى كتك ارناسى حابارلايدى.
تەرگەۋ مالىمەتىنشە، كۇدىكتىلەردىڭ ءبىرى مارقۇمنىڭ ارىپتەسى ەكەن. ول ەرىكتىلەر توبىمەن بىرگە ءوز قۇربانىنىڭ دەنەسىن ىزدەسىپ، جۇرت نازارىن باسقا باعىتقا بۇرۋعا تىرىسىپ كەلگەن. اقىرىندا ءيىسشىل يتتەر قان ىزدەرى بار قاسكويدىڭ كولىگىن تاپقان سوڭ بارىپ، كۇدىكتى سىبايلاسىمەن بىرگە ۇستالدى. ال مارقۇمنىڭ تۋىستارىنىڭ ايتۋىنشا، بىلتىر كۇزدە ماقسۇت ادىلبايەۆقا ارىپتەسى بانكتەن 850 مىڭ تەڭگە نەسيە العىزعان. سونى تولەگىسى كەلمەگەندىكتەن ولتىرگەن بولۋى مۇمكىن دەپ بولجايدى. ەستەرىڭىزگە سالساق، قازاننىڭ 25ء-ى كۇنى ۇيىنەن كەتكەن ماقسۇت ادىلبايەۆ سول كۇيى ورالماي، تۋىستارىنىڭ شاعىمى بويىنشا پوليسيا ىزدەۋ شارالارىن جۇرگىزگەن بولاتىن.
