قازاقستان ارناسىنىڭ «ايەل باقىتى» باعدارلاماسىندا قوناقتا بولعان قازاق قىزى ءوزىنىڭ تۇرىك ازاماتىن قالاي ءسۇيىپ قالعانىن ايتىپ بەردى، دەپ حابارلايدى «قامشى» پورتالى.

باعدارلاما كەيىپكەرى مارجان استانا قالاسىنداعى سۇلۋلىق سالوندارىنىڭ بىرىندە 2011 جىلى جۇمىسقا تۇرىپ، كەيىننەن سالون يەسى، تۇركيا ازاماتى ونۋردى ءسۇيىپ قالعان. ەكەۋى كوپ وتپەي ۇيلەنىپتى. الايدا، كۇيەۋى ونۋر ءالى كۇنگە تۇركيا ازاماتى. مارجاننىڭ ايتۋىنشا ونىڭ كۇيەۋىندە ەر-ازاماتتا بولۋعا ءتيىس قاسيەتتىڭ ءبارى بار، كۇيەۋى ءھام سىمباتتى، ءھام تاربيەلى. ولاردىڭ ەكى بالاسى بار.

قاراعاندىلىق مارجان تۇرىك ازاماتىن ءسۇيىپ قالعاندىقتان 2-اق ايدا تۇرىكشە ۇيرەنگەن. باعدارلامادا بەلگىلى بولعانداي، استانادا سۇلۋلىق سالونىن اشىپ، 5-6 جىل بويى استانادا تۇرعان «شەتەلدىك كۇيەۋ» ءالى كۇنگە ءبىر اۋىز قازاقشا بىلمەيدى. باعدارلاما جۇرگىزۋشىسى ءلايلا سۇلتان قىزىنىڭ "5 جىل بويى نەگە قازاقشا ۇيرەنبەي ءجۇرسىز؟" دەگەن سۇراعىنا "شەتەلدىك كۇيەۋ ماردىمدى جاۋاپ بەرە المادى. ال، مارجان ەكىنشى بالاسى ومىرگە كەلىپ، 6 ايلىق بولعان كەزدە عانا جىگىتتىڭ اتا-اناسىمەن تانىسۋعا ىستامبۇلعا بارىپتى.