اپتانىڭ ايتۋلى ءۇش وقيعاسىنا قاتىستى پىكىر سۇراپ جاتىر ءبىراز اعايىن. بارىنە بىردەي جەكە جاۋاپ بەرەيىن دەسەم، ۋاقىت تىعىز ءارى قايتالاۋ بوپ كەتەتىن سياقتى. ونىڭ ۇستىنە بىر-بىرىنەن اۋمايتىن جاۋاپتار بەرىپ جاتسام، «ەكسكليۋزيۆتى» تۇردە جاۋاپ سۇراپ جاتقان باق-تان ۇيات.
سوندىقتان قىسقاشا ورتاق جاۋاپ.
وليمپيادا چەمپيوندارىنىڭ دوپينگ قابىلداماعانى شىن بولسا، ولار ايقايلاپ ءجۇرىپ، حالىقارالىق سوتقا جۇگىنۋى كەرەك ەدى. جۇگىنە قويمادى. كوڭىلدە قاياۋ قالدى...
تۇڭعىشباي جامانقۇلوۆ ءوز كىناسىن مويىنداعانىنىڭ ۆيدەوسىن كورگىم كەلەدى. سوسىن مادەنيەت ءمينيسترىن ايىپتاپ سويلەگەن ۆيدەوسىمەن سالىستىرار ەدىم. ەكى ادامنىڭ اراسىنداعى داۋدى سوت شەشۋ كەرەك دەيمىز، ءبىراق بىزدەگى سوتتىڭ جايى بەسەنەدەن بەلگىلى عوي. ونىڭ ۇستىنە بەلگىلى ءارتىستىڭ باسقا كەزدە ەمەس، ناق وسى ءمينيستردى سىناعاننان كەيىن عانا جاۋاپقا تارتىلۋى دا ءارتۇرلى ويلارعا جەتەلەيدى...
ءسوز جوق، Q ءارپىن مەملەكەت اتاۋىندا زاڭداستىرۋ لينگۆيستيكالىق قانا ەمەس، گەوساياسي استارى مەن سەبەپتەرى بار. وسى سەبەپتى بۇل باستامانى قولدايمىن. ءبىراق، قازاق ەلىنىڭ قازىرگى تاڭدا ءبىر ارىپتەن باسقا دا ماڭىزدى پروبلەمالارى بار دەپ سانايمىن.
ساياساتكەر، جۋرناليست ءامىرجان قوسانوۆ
