لەنيندىك-ماركستىك ءادىسنامانىڭ نۇرشىلدىق باعىتى بويىنشا جازىلعان جاڭا ساياسي تاريحقا ۋىزىنان جارىپ وسكەن جاس ساياساتتانۋشى، جۋرناليستەردىڭ «كەمەڭگەر ەلباسىعا ارنالعان» بۇگىنگى ودالارىنا تۇسىنىستىكپەن قارايمىن.
«20 جىلدا ءبىر ءادىل سايلاۋ وتكىزبەدى، زامانبەك پەن التىنبەكتى سۇراۋسىز كەتىردى، جاڭاوزەندە حالىقتى قىرىپ تاستادى، بالا-شاعاسىن ميللياردەر قىلدى» دەپ زار يلەسە دە، بىلاي شىعا «جالپى جامان ەمەس قوي، ماڭدايى جارقىراپ ەلىم دەپ ءجۇر ەمەس پە انە، وسى كۇنىمىزگە دە الحامشۇكىر، ءتاۋبا دەڭدەر-ەي» دەپ حالىققا ۋاعىز ايتاتىن «ساياسي جارتىلاي ەكىقاباتتارعا» دا تۇسىنىستىكپەن قاراۋعا تىرىسام.
ات توبەلىندەي قوعامدىق بەلسەندى، وپپوزيسيالىق ساياساتكەرلەردى «باس-باسىنا بي بولعان وڭكەي قيقىم» ساناپ، «انتيەۋرازياشىل» ارەكەتىن دالباسا دەپ ەسەپتەپ كەلگەن، ءبىراق «جاڭا وداقتا ساياسي ماسەلە الىنىپ قالعانىنا» قاتتى رازى بوپ وتىرعان قاۋىمعا دا تۇسىنىستىكپەن قارايمىن.
قازاقستاندىق تولەرانتتىلىق.
