قازاقستاننىڭ ىشكى ىستەر مينيسترلىگى سوتتالۋشىلارعا جۇمسالاتىن قاراجات سوماسىن جاريا ەتتى. بەلگىلى بولعانداي، ءار سوتتالۋشىعا مەملەكەتتىك قازىنادان جىلىنا 800 مىڭ تەڭگە شاماسىندا اقشا بولىنەدى. كۇلەكبايەۆقا دا وسىنداي سوما جۇمسالماق. بۇل تۋرالى  Qamshy.kz پورتالى  Nur.kz سايتىنا سىلتەمە جاساپ حابارلايدى.

مينيسترلىكتىڭ اقپاراتىنا سايكەس، سوتتالۋشى ءولىم جازاسى زاڭدى كۇشكە ەنگەنگە دەيىن وقشاۋلاعىشتا بولادى. كەيىن تۇرمەگە جىبەرىلەتىن كۇلەكبايەۆ ءومىرىنىڭ سوڭىنا دەيىن قامالادى.

قۇزىرلى مەكەمە كۇلەكبايەۆتىڭ قاي تۇرمەگە جابىلاتىنىن ايتپاعانىمەن، ءومىر بويىنا سوتتالعاندار بۇگىندە قوستاناي وبلىسىنداعى "قارا بۇركىت" اتىمەن تانىمال تۇرمەگە توعىتىلاتىنىن العا تارتتى.

ءىىم بارلىق سوتتالۋشىلاردى قاماتاماسىز ەتۋ شارتتارى بىردەي ەكەنىن ەسكەرتىپ، كۇلەكبايەۆتىڭ تىرشىلىگىنە جىل سايىن شامامەن 800 مىڭ تەڭگە جۇمسالاتىنىن راستادى.

«ءبىر سوتتالۋشىنى قامتاماسىز ەتۋ ءۇشىن بەلگىلەنگەن سوما سوتتالۋشىلاردىڭ بارلىق دەڭگەيىنە بىردەي. بۇگىندە ول جىلىنا شامامەن 800 مىڭ تەڭگەنى قۇرايدى»، - دەيدى ءىىم مەملەكەتتىك ءتىل جانە اقپارات دەپارتامەنتىنىڭ ديرەكتورى الماس سادۋبايەۆ.

ەسكە سالساق 2 قاراشا كۇنى رۋسلان كۇلەكبايەۆ ءولىم جازاسىنا كەسىلگەن بولاتىن. ول وڭاشا كامەراعا قامالادى.