كەشە اقجايىق اۋدانى ەسەنساي اۋىلىندا قايعىلى وقيعا ورىن الدى، دەپ حابارلايدى Qamshy.kz قازاقپاراتقا سىلتەمە جاساپ.

 ەسەنساي ورتا مەكتەبىنىڭ 11-سىنىپ وقۋشىسى، 1999 جىلعى قىز بالا ساعات 09.30 شاماسىندا ءوز ءۇيىنىڭ اۋلاسىندا اسىلىپ قالعان. بقو ءىىد جەرگىلىكتى پوليسيا قىزمەتى يۋۆەنالدىق پوليسيا ءبولىمىنىڭ باسشىسى رۋسلان عالييەۆتىڭ ايتۋىنشا، مارقۇم ەشتەڭە جازىپ، قالدىرماعان. تولىق وتباسىندا تاربيەلەنگەن قىز مەكتەپتە جاقسى وقىعان. قازىرگى كەزدە وقيعانىڭ جاي-جاپسارى انىقتالۋ ۇستىندە.

ەسكە سالا كەتەيىك، بۇدان بۇرىن، 23 قىركۇيەك كۇنى جاڭاقالا اۋدانى جاڭاجول اۋىلدىق وكرۋگىندە ايدارحان ورتا مەكتەبىنىڭ 7-سىنىبىندا وقىعان 12 جاسار ۇل بالا جانە 21 قازان كۇنى ورالدا №39 ورتا مەكتەپتە ءبىلىم العان 2001 جىلعى 15 جاسار قىز وسىلايشا ءوز ءومىرىن قيعان بولاتىن. ال توعىز ايدا وبلىس كولەمىندە جاسوسپىرىمدەر اراسىندا وسىنداي 10 دەرەك تىركەلگەن.