الماتىدا تۇندە «دوستار» قوناق ءۇيى ورتەندى، دەپ حابارلايدى قازاقپاراتقا سىلتەمە جاساپ «قامشى» پورتالى.

قالالىق تجد باسپا ءسوز قىزمەتىنىڭ حابارلاۋىنشا، ءورت تۇركسىب اۋدانى، بارتولد كوشەسى 46-شى ۇيدە تۇندە بولعان. ءورت تۋرالى حابار 8 قاراشاعا قاراعان ءتۇنى ساعات 02:14-تە تۇسكەن. حابارلاۋدان كەيىن ءورت سوندىرۋشىلەر 5 مينۋتتان سوڭ وقيعا ورنىنا جەتكەن. «وقيعا ورنىندا قوناق ءۇيدىڭ شاتىرى ورتەنىپ جاتقانى انىقتالدى. ءورت عيماراتتىڭ  تومەنگى قاباتىنا ءوتۋ ءقاۋپى بولعاندىقتان شاتىر ءسوندىرۋشى ۇڭعىلار پايدالانىلدى. قوناق ءۇيدىڭ №12  بولمەسى ورتەنگەنى انىقتالدى»، - دەدى ءورت ءسوندىرۋ قىزمەتىنەن. ءورت ساعات 03:05-تە اۋىزدىقتالىپ، 03:27-دە تولىعىمەن ءسوندىرىلدى. ءورت وشاعىنىڭ جالپى اۋماعى 280 شارشى مەتر. 30 ادام ەۆاكۋاسيالاندى. ءورتتى اۋىزدىقتاۋعا 70 ادام، 22 تەحنيكا جۇمىلدىرىلدى.

ەسكە سالا كەتەتىن بولساق، الماتىدا 2 كۇن بۇرىن عانا  ساۋدا ءۇيى ورتەنىپ، سالدارىنان 6 ادام قازا تاپقان ەدى.