IPhone 7 شىققانىنا كوپ ۇزاماي-اق، جەلىدە كەلەسى «ايفوننىڭ» قانداي بولاتىنى تۋرالى بولجامدار تاراپ ۇلگەردى. گaدجەتتىڭ الدىن-الا ايتىلىپ جاتقان ەڭ ءبىرىنشى سيپاتى – ونىڭ يىلگىش OLED ديسپلەيى. تاۋەلسىز ديزاينەرلەر «المافوننىڭ» كەلەسى ۇلگىسىن جاساپ جارىسۋدا. ztb.kz سايتى سولاردىڭ ەڭ ۇزدىكتەر توپتاماسىن جاساپتى.

ال Techconfiguration ديزاينەرلەرى اتاقتى گادجەتتىڭ ەڭ شىندىققا جاقىن ۇلگىسىن جاساپتى. ولار بۇل پرەزەنتاسيانى اررlە-دىڭ پاتەنتتى دوكۋمەنتتەرىنە سۇيەنە وتىرىپ قۇراستىرعان. ولاردىڭ ويىنشا، سەگىزىنشى ايفون ەكى جاقتى يىلگەن، مەتالل كورپۋسقا يە بولادى. ءبىر ايتا كەتەرلىگى، بۇل بولجامدا كامەرا ءداستۇرلى تۇردە ۇستىڭگى بۇرىشتا ەمەس، ورتاسىنا قاراي ورنالاسىپتى، ءارى نوmە باتىرماسى دا الىنىپ تاستالعان.

ماتتەو دجەنتيل ديزاينەرلەرى جاساعان بەينەروليكتە جاڭا ايفوننىڭ ديسپلەي، كورپۋس، شەكتەمەلەرى – ءبارى دە اينەكتەن تۇرادى. بۇل – اتالعان گادجەتتىڭ ەڭ اكتۋالدى ۇلگىسى. نوmە باتىرماسى ەكراندا ورنالاسقان. الدىڭعى كامەرا 12 مەگاپيكسەل بولسا، نەگىزگى كامەرا 8ك رەجيمىندە تۇسىرە الاتىن كورىنەدى. وعان قوسا، گادجەت سىمسىز زاريادتالاتىن بولادى.

Android Busters كانالىندا جاريالانعان ۇلگىدە ديزاينەرلەر فانتاستيكالىق شەشىمدەرگە بارماعان. مۇندا دا بارلىعى اينەكتەلگەن، OLED ديسپلەي، جاقسارتىلعان كامەرا. ۆيدەو اۆتورلارى كەلەسى ايفوندى ا11 پروسەسسورىمەن جابدىقتاپ، ەستە ساقتاۋ جۇيەسىن 256 گب-قا دەيىن ۇلعايتىپتى.

بەستىكتى ەڭ كۇردەلى كونسەپتىمەن اياقتايمىز. ويتكەنى، Sonitdac ديزاينەرلەرى سەگىزىنشى ايفوندى الداعى ونجىلدىقتا ورىندالىپ قالۋى كۇدىك تۋدىراتىن ديسپلەيمەن جابدىقتاپتى. روليكتەن Iphone 8 ارنايى مەحانيزم ارقىلى ەكرانىن پلانشەت ەكرانى سەكىلدى ۇلعايتا الاتىنداي ەتىپ جاسالعانىن كورۋگە بولادى. شىندىققا از جاناسسا دا، بەينەروليكتى جەلىدە 9 ميلليونعا جۋىق ادام قاراپ ۇلگەرگەن.