كەشە استانادا بايتەرەك كەشەنى ماڭىنا ەۋرازيا ەكونوميكالىق وداعىنىڭ قۇرىلۋىنا قارسىلىقتارىن ءبىلدىرىپ بارعان ونداعان بەلسەندىنى پوليسيا ۇستاپ اكەتتى. بەلسەندىنىڭ سوزىنشە، پوليسيا ۇستالعانداردىڭ فوتواپپاراتتارى مەن بەينەكامەرالارىن تارتىپ العان.
وسىعان بايلانىستى، "انتيگەپتيل" قوزعالىسىنىڭ مۇشەسى ماقسات نۇرىپبايەۆپەن پىكىر الماسقان ەدىك.
- "انتيگەپتيل" ۇيىمنىڭ مۇشەلەرىن نە ءۇشىن ايىپتالىپ وتىر؟ - "انتيگەپتيل" ۇيىمىنىڭ ون شاقتى مۇشەسى وداقتىڭ قۇرىلۋىنا قارسىلىق ءبىلدىرىپ، بەتتەرىنە ماسكا تاعىپ بايتەرەكتىڭ جانىنا بارعان كەزدە پوليسيا ۇستاپ اكەتكەن. ول پوليسيا وزدەرىن ەسىل اۋداندىق ىشكى ىستەر باسقارماسىنا اپاردى. بۇگىن ەكىنشى كۇن. ولارمەن حابارلاسا الماي وتىرمىز. رۇقسات جوق سەبەبى. ولارمەن شىققانعا دەيىن حابارلاسا المايمىز. مەن كەشە 8 ساعات ەسىل اۋداندىق ىشكى ىستەر بولىمىندە وتىردىم. ون جىگىتىمىز ءالى قاماۋدا وتىر. ون جىگىتىمىزدىڭ بىرەۋى ەرتەڭ شىعادى، قالعانى ارعى كۇنى.
- ولارعا قانداي ايىپ تاعىلعان ايىپ تاعىلدى؟
- ايىپ تاعىپ، قاماپ قويعان جوق پا؟ ق ر اكىمشىلىك كودەكسىتىنىڭ 330 بابىنىڭ ءبىرىنشى بارماعى بويىنشا 1ادام 3 كۇنگە، 9 ادام 4 كۇنگە قامالدى عوي. 3 كۇنگە قامالعانى ەرتەڭ شىعادى.
- زاڭگەر رەتىندە ۇستالعاندارعا تاعىلعان ايىپ قانشالىقتى ءادىل دەپ ويلايسىز؟
- استانا قالاسىنىڭ پروكۋرورلارى وزدەرى زاڭ نورمالارىن بۇزدى. نەگىزىندە ادامدى قىلمىسى بولماسا 3 ساعاتتان ارتىق ۇستاماۋى ءتيىس. ال استانالىقتاردىڭ باسىم بولىگى 4ساعات، ال مەن 8 ساعات وتىردىم. نەگە ءۇش ساعاتتان سوڭ جىبەرمەيسىڭدەر دەسەم، ءسىز پروكۋروردىڭ ەكى ەسكەرتۋىن ورىنداماي الاڭعا شىقتىڭىز. ءقازىر جىبەرسەك، بايتەرەككە تاعى بارىپ الاسىز عوي دەيدى.
- قازاقستان بويىنشا تەك استانادان باسقا قاي جەرلەردە ءوتتى؟
- الماتىدا ونداعان ادام ۇستالدى. استانادا جۇزگە جۋىق بەيبىت تۇرعىن جينالدى.
سۇحباتىڭىزعا راقمەت!
