قاراشانىڭ 9-10 ارالىعىندا ع.مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترىندا كەشكى ساعات 18:30-دا «سۋپەر جەڭگەتاي سەركەش»  كومەديالى قويىلىمىنىڭ پرەمەراسى بولادى،- دەپ حابارلايدى  Qamshy.kz پورتالى.

 قويۋشى-رەجيسسەر قازاقستاننىڭ ەڭبەك سىڭىرگەن قايراتكەرى،  تاۋەلسىز «تارلان» سىيلىعىنىڭ يەگەرى – جانات حادجييەۆ، قويۋشى -  سۋرەتشىسى  مادەنيەت قايراتكەرى سەرىكقان وماروۆ.

زاماننىڭ سيقى وسى ما؟.. اداميلىقتىڭ قۇنى قايسى؟.. بايلىقتىڭ بۋى، اقشانىڭ تابى كىسىنى ىسىندىرمەي قويۋى مۇمكىن بە؟.. جىلتىراققا اۋەستىك، جاعىمپازدىقپەن ساتىلاۋ، ەڭبەكسىز تەگىن مال تاپپاق اۋسەلەمىزدى كوتەرىپ، كوسەگەمىزدى كوگەرتپەك پە؟!

مىنە، وسى زامانعى تۇيتكىلدى سۇراقتاردىڭ توركىنى وسىنداي بولىپ كەلەدى. ءبىراق، ءبىز ءبارىبىر، تۇپتىڭ-تۇبىندە اداميلىق قۇندىلىقتىڭ ساقتالعانىن قالايمىز. سوڭعىلىعىندا، سولاي بولادى دا...

قۇرمەتتى، كورەرمەن! ويلى كۇلكىگە قۇرىلعان كومەديالىق قويىلىمنان وي تۇيگىڭىز كەلسە، «سۋپەر سەركەشتى» كورىڭىز! بۇل – بۇگىنگىنىڭ كوپ كەيىپكەرلەرىنىڭ ءبىرى.