اكتەر تۇڭعىشباي جامانقۇلوۆ پەن مينيستر ارىستانبەك مۇحامەدي ۇلىنىڭ اراسىنداعى  داۋ ءالى دە اياقتالار ەمەس. بۇعان قاتىستى ت. جامانقۇلوۆ ەلباسى  اتىنا ۇندەۋ جولداپ، اراشا ءتۇسۋىن سۇراعان ەدى. وسى ۆيدەوعا قاتىستى مۇحامەدي ۇلى ب ا ق وكىلدەرىنە ءوز پىكىرىن ءبىلدىردى،- دەپ حابارلايدى Qamshy.kz. 

اتالعان ۆيدەوۇندەۋگە قاتىستى مينيستر جاۋاپ بەردى. مەنى نە نارسەنى وتكەرىپ جاتقانىمدى وزدەرىڭىز كورىپ وتىرسىزدار.  ول ۆيدەوۇندەۋدىڭ ۋاقىتىنىڭ قاشان شىققانىن قاراڭىزدار دەپ، بۇدان بولەك سوڭعى ءبىر جىل ىشىندە بىرنەشە ۇندەۋلەر جازىلعان دەدى. وسىلايشا ءار ءتۇرلى قىلمىستىق جاۋاپكەرشىلىككە تارتىلعانىن ايتادى. ءتىپتى ءبىر جىل ىشىندە وسىنداي ارەكەتتەرمەن رەسەي كومپانياسىنا 450 ملن تەڭگە پايدا كەلتىرگىسى كەلگەندەرىن اتاپ ءوتتى. 

ەستەرىڭىزگە سالساق، بۇگىن تۇڭعىشباي جامانقۇلوۆتىڭ ەلباسىنا ارناپ جازعان ۆيدەو مالىمدەمەسى پايدا بولعان. ۆيدەودا اكتەر مادەنيەت ءمينيسترى ارىستانبەك مۇحامەديۇلىمەن باس ارازدىعىنىڭ بولعانىن، فيلمگە بولىنگەن قاراجاتتى «قازاق ەلى» سەريالىنا اۋدارىپ جىبەرگەنىن، تالعات جانىبەكوۆتىڭ شالىس باسىپ، ءمينيستردى ايىپتاپ اعات قىلىق جاساعانىن، ءوزىنىڭ ەڭلىك سىدىقوۆانى قورعاپ، جۋرناليسكە ۆيدەو سۇحبات بەرگەنىن، ارىستانبەك مۇحامەديۇلىمەن ءتۇسىنىسۋ ءۇشىن استانادا كەزدەسكەنىن، كەشىرىم سۇراعانىن مويىنداي وتىرىپ، ءبىراق مادەنيەت ءمينيسترىنىڭ مامىلەدەن باس تارتقانىن، «بالا-شاعاڭ قاڭعىرىپ قالادى» دەپ قوقان-لوققى كورسەتكەنىن، قيسىنسىز ايىپ تاعىپ، تالاپ قويعانىن ايتقان.