كەشە عانا قامال الاتىن 40 جاس تويىن  تويلاعان مەيرامبەك بەسپايەۆتىڭ كەزەكتى ءبيى عالامتوردا تارالىپ كەتتى،- دەپ حابارلايدى قامشى پورتالى.

بۇعان دەيىن ءىنىسى مەيىربەك بەسپايەۆتىڭ ۇيلەنۋ تويىندا بيلەگەن ءبيى حيتكە اينالىپ، الەۋمەتتىك جەل قولدانۋشىلارىن انىمەن عانا ەمەس، بيىمەن دە ءبىر سۇيسىنتكەن  بولاتىن.  مەيرامبەكتىڭ قايىن اتا اتانىپ جاتقانداعى ءبيى جەلى قولدانۋشىلارىنىڭ ءبىراز تالقىسىنا ءتۇسىپ، سىني پىكىر بىلدىرگەندەردە بولعان.

31 ارنانىڭ «ايتا بەرسىن» باعدارلاماسىنا بەرگەن سۇحباتىندا ءانشى ۆيدەونى كىمنىڭ تۇسىرگەنىن بىلمەيتىنىن، الايدا ەشكىمگە دە رەنجىمەيتىنىن ايتقان.

«ەندى ءارقايسىسىنىڭ تەلەفونىنا مەن قاقپاق بولا المايمىن عوي. تويدىڭ كورىنىستەرى، وندا تۇرعان ەشتەڭە جوق دەپ ويلايمىن. كەتسە كەتىپ قالعان شىعار. كىم بيلەمەيدى؟ قۋانعان كەزدە ءبارىمىز دە بيلەيمىز. سونداي ساتتەر عوي»، – دەپ ايتقان ەدى.

جەلىدە مەيرامبەكتىڭ كەزەكتى ءبيى قىزۋ تالقىعا سالىندى. ءانشى ءوزىنىڭ 40 جاس مەرەيتويىندا بيدەن شاشۋ شاشتى. ۆيدەودان ءانشىنىڭ مەرەيتويىنا شوۋ-بيزنەس وكىلدەرىنىڭ بارشاسى بارعانىن اڭعارۋعا بولادى. 

بەسپايەۆتاردىڭ اۋلەتىنە جاقىندا عانا تۇسكەن كەلىن رابيعا ينستاگرام پاراقشاسىندا  قايىن اتاسىنىڭ  40 جاسىنداعى ەڭ ۇلكەن سىيلىعى 115 جىلدان بەرى اتادان بالاعا مۇرا بولىپ كەلە جاتقان قاسقىر ىشىكتى  يەلەنگەنىن جەتكىزىپ، اۋلەتتىڭ قۇندى مۇراسى قايىن اتاسىنا بۇيىرعانى، تويدىڭ ەرەكشە سىيى دەگەن.