شەتەل ينۆەستورىنىڭ قازاقستان ازاماتىن جۇمىسقا الۋ تۋرالى زاڭعا باعىنباي جۇرگەن قىتايلىق 8 كومپانيا باسشىسى ەلدەن قۋىلدى، دەپ حابارلايدى «قامشى» پورتالى نۇر.كز-كە سىلتەپ.
ايماقتا قارا التىن وندىرۋمەن اينالىساتىن «سنپس-اقتوبەمۇنايگاز» اكسيونەرلىك قوعامى جىل باسىندا جالىنىپ ءجۇرىپ قىتايدان مامان الدىرتۋعا رۇقسات الىپتى. اسپان استى ەلىنەن كەلگەندەردىڭ ۇشەۋىن دەپارتامەنتكە ديرەكتور، قالعاندارىن مۇناي مەن گاز وندىرەتىن بولىمدەرگە جەتەكشى قىلادى.
ءبىراق شەتەلدەن قانشا مامان الدىرتسا قازاقستاننىڭ دا سونشا ازاماتىن جۇمىسقا الۋ تۋرالى زاڭعا ينۆەستورلار باعىنباي جۇرگەن.
سوندىقتان تەكسەرۋگە كەلگەن پروكۋرورلار زاڭدى ورىنداماعان مۇناي كومپانياسىنىڭ لاۋازىمدى قىزمەتكەرلەرىن ەلدەرىنە قايتارىپ جىبەرگەن.
"بۇل ازاماتتار قازاقستان رەسپۋبليكاسىنىڭ شەكاراسىنان شىعارىلدى"، - دەيدى اقتوبە وبلىستىق پروكۋراتۋراسىنىڭ باسقارما باستىعى مۇراتبەك مىرزامۇراتوۆ.
