الماتىدا وتكەن تۇندە تاعى ءبىر ءورت بولدى. بۇل جولى قالانىڭ تومەنگى اۋدانىندا ورنالاسقان «دوستار» قوناق ءۇيىن قىزىل جالىن شارپىعان. بولمەلەردىڭ بىرىنەن تۇتانعان وت تەز ارادا شاتىرعا كوشىپ، 280 شارشى مەتر اۋماققا تارالىپتى.
بۇل تۋرالى كتك ارناسى حابارلايدى.
تەز ارادا وقيعا ورنىنا جەتكەن ءورت سوندىرۋشىلەر ءبىرىنشى كەزەكتە قىزىل جالىننىڭ جاقىن ورنالاسقان نىساندارعا كوشىپ كەتپەۋىن ويلاعان. سوندىقتان الدىمەن شاتىر مەن عيماراتتىڭ ءبىرىنشى قاباتىن ءسوندىرۋدى باستاعان ەكەن. ءتىلسىز جاۋمەن ءبىر جارىم ساعات بويى ارپالىسقان ماماندار 30 ادامدى ءقاۋىپسىز جەرگە شىعاردى. ءقازىر ءورتتىڭ شىعۋ سەبەبى انىقتالۋدا، الدىن الا بولجام بويىنشا اپاتقا سىمداردىڭ قىسقا تۇيىقتالۋى سەبەپ بولۋى مۇمكىن.
