ادامنىڭ رۋحاني دۇنيەسىنە ىقپال ەتەتىن جايتتەر اۋە كومپانيالارىنىڭ ىسىندە كورىنىس تابۋى ءتيىس. بۇل رەتتە الدىمەن مەملەكەتتىك ءتىلدى جەتىك بىلەتىن ماماندار قاجەت. سونداي-اق ۇشاق سالوندارىندا قازاقتىڭ اۋەنى وينالىپ تۇرسا قۇبا-قۇپ. «بۇنى قۇقىقتىق اكتىلەرگە، زاڭعا كىرگىزبەسەك تە، تالاپ ەتۋ پارىزىمىز»، - دەيدى ءماجىلىس دەپۋتاتى بەكبولات تىلەۋحان.
بۇل تۋرالى استانا ارناسى حابارلايدى.
بەكبولات تىلەۋحان ق ر پارلامەنتى ءماجىلىسىنىڭ دەپۋتاتى، "نۇر وتان" فراكسياسىنىڭ مۇشەسى: ءسىز «جايدارمانمەن»، «ساۋلەم-ايمەن» قارسى العان كەزدە، جانىڭىز جادىراپ قويا بەرەسىز، ۇيگە كەلگەندەي. باسقا ادامدار كەلگەن كەزدە باسقا مەملەكەتتىڭ ۇشاعىنا مىنگەنىن سەزىنەتىن بولۋى كەرەك. قازاقستاننىڭ ۇشاعىندا ەكەنىن سەزدىرۋ ءۇشىن، تىلىنە سۋىق تيگەن سەكىلدى ەمەس، ايقىن قازاقشا سويلەيتىن ادامداردى جۇمىسقا الۋ مىندەتتى بولۋ كەرەك،-دەپ پىكىر ءبىلدىردى.
