8 قاراشا اقش ءوزىنىڭ 45-پرەزيدەنتىن سايلادى.  2016 جىلعى پرەزيدەنت ساياۋىنا رەسپۋبليكاشىلدار اتىنان قاتىسقان، ميللياردەرلىگىمەن اتى تانىلعان دونالد ترامپ ءوزىنىڭ باستى باسەكەلەسى كلينتوننەن 266 دەلەگەسيا داۋىسىمەن باسىم ءتۇسىپ، وبامادان كەيىنگى پرەزيدەنت بولدى. ول، ءبىرازدان كەيىن رەسمي مالىمدەمە جاسايدى دەپ كۇتىلۋدە.

سوڭعى اقپارات بويىنشا، 218 دەلەگاتتىڭ عانا داۋىسىن جيناعان باستى قارسىلاس حيللاري كلينتون داۋىستىڭ قايتا سانالۋىن كۇتەتىنىن مالىمدەگەن.

العاشقىلاردىڭ ءبىرى بولىپ ترامپتى فرانسيا ۇلتتىق فرونت پارتياسىنىڭ جەتەكشىسى، مارين لە پەن twitter-دە قۇتتىقتادى.

اقش-تا پرەزيدەنت سايلاۋى ناۋقانى 17 اي بۇرىن باستالعان بولاتىن. ۇمىتكەرلەر وسى ۋاقىت بويىنشا ۇگىت-ناسيحات جۇرگىزدى.

ترامپتىڭ سايلاۋ كامپانياسى جۇمىس ورىندارىن كوبەيتىپ، سالىقتاردى ازايتۋ ارقىلى «امەريكانى قايتادان ۇلى ەلگە اينالدىرامىز» دەگەن ۇرانمەن ءوتتى.

ترامپ 1946 جىلى نيۋ-يوركتە ومىرگە كەلگەن. ونىڭ اتاسى اۆستريادان اقش-قا قونىس اۋدارعان.