بۇگىن ءبىلىم جانە عىلىم مينيسترلىگى ۇلتتىق ءبىرىڭعاي تەستىلەۋ جانە مەكتەپ ءبىتىرۋ ەمتيحاندارى جونىندە ورتالىق كوممۋنيكاسيالار قىزمەتىندە وتكەن باسپا ءسوز ءماسليxاتىن وتكىزدى. باسپا ءسوز ءماسليحاتىندا ايتىلعان ماسەلەلەر تۋرالى تولىق مالىمەت بەرە كەتكەندى ءجون كوردىم.
1. مەكتەپ ءبىتىرۋ ەمتيحان تۋرالى
مەكتەپ ءبىتىرۋ ەمتيحانى 5 پاننەن تاپسىرادى. ەمتيحان 29 مامىر مەن 9 ماۋسىم اراسىندا جۇگىزىلەدى.
1) قازاق ءتىلى مەن ادەبيەتىنەن ەركىن تاقىرىپتا 250 سوزدەن تۇراتىن ەسسە جازادى. جازۋ ۋاقىتى 3 ساعات. ەسسە ادەبي تاقىرىپتاردا بەرىلەدى، ول شاعىن كولەمدەگى پروزالىق شىعارمالار نەمەسە وقۋشىنىڭ ءوزىنىڭ جەكە ويىن بىلدىرەتىن ەركىن تاقىرىپتا جازىلادى.
2) الگەبرا جانە اناليز باستامالارى پانىنەن بەس تاپسىرمادان تۇراتىن باقىلاۋ جۇمىسى. (جازباشا ەمتيحان). وعان بەس استرونوميالىق ساعات بەرىلىپ وتىر. اپسىرمالارى ماتەماتيكالىق فاكتىلەردى، تۇسىنىكتەردى، تاسىلدەردى، ەسەپ شىعارۋ جانە لوگيكالىق تاپسىرمالاردى شەشۋگە ارنالادى
3) قازاقستان تاريحى پانىنەن 3 سۇراقتان تۇراتىن اۋىزشا ەمتيحان. ەكى سۇراق قازاقستان تاريxىنىڭ تەورياسىن قامتيتىن بولسا، ءۇشىنشى سۇراق شىعارماشىلىق سۇراق بولادى. ول كەزدە كارتامەن، ت.ب مەن جۇمىس ىستەۋ كەرەك.
4) ورىس تىلىنەن تەست. وعان 80 مينۋت بەرىلەدى. 40 سۇراققا 40 ۇپاي بەرىلەدى. مۇندا 10 سۇراق تىڭدالىم، 20 سۇراق گراماتيكا، 10 سۇراق وقىلىم.
5) تاڭداۋ ءپانى. تاڭداۋ پانىنەن 30 تەست، ونىڭ جارتىسىندا ءبىر جاۋابى، جارتىسىندا ەكى نەمەسە ءۇش جاۋابى دۇرىس. جالپى 60 بالل.
ەسكەرتۋ. تەست ارقىلى تاپسىراتىن ەكى ءپان ءبىر كۇندە بولادى. سۇراقتاردى دايىنداۋ ۇلتتىق ءبىرىڭعاي تەستىلەۋ ورتالىعى جۇرگىزەدى. التىن بەلگى وسى ەمتيحان ناتيجەسىندە انىقتالادى.
2. ۇلتتىق ءبىرىڭعاي تەست
بۇل تالاپكەرلەردىڭ جوعارى وقۋ ورىندارىنا ءتۇسۋ جانە مەملەكەتتىڭ گرانتتى ءبولۋ ءۇشىن جۇرگىزىلەدى. بۇل 20-شى ماۋسىم مەن 1ء-شى شىلدە ارالىعىندا رەسپۋبليكا بويىنشا 165 تەستىلەۋ بەكەتتەرىندە وتكىزىلەدى. وقۋشى بەس پاننەن ەكى كۇن تاپسىرادى. ءبىرىنشى كۇنى مىندەتتى ءۇش ءپان، ەكىنشى كۇنى ەكى تاڭداۋ پانىنەن تاپسىرادى.
مىندەتتى پاندەر:
1) وقۋ ساۋاتتىلىعى
2) ماتەماتيكالىق ساۋاتتىلىق
3) قازاقستان تاريحى
بۇلاردىڭ بارلىعى جەكە جەكە 20 تەستتەن تۇرادى جالپى 60 تەست، جالپى ۇپاي 60 بال.
ال تاڭداۋ ءپانى ەكى ءپان، ءار قايسىسى 30 تەستتەن تۇرادى، جالپى 60 تەست، مۇنىڭ ىشىندە جارتىسى ءبىر جاۋابى دۇرىس، جارتىسىنىڭ ەكى نەمەسە ءۇش جاۋابى دۇرىس تەست، نەمەسە سايكەستەندىرۋ سۇراقتارى. جالپى ۇپايى 80 بال.
ەسكەرتۋ! كوللەدج بىتىرگەندەر تەك ەكى تاڭداۋ ءپانىن عان تاپسىرادى.
وسى تەستتەر ناتيجەسىندە وقۋشى جوعارى وقۋ ورنىنا تۇسە الادى. ۇلتتىق تەستتىڭ جالپى بالى 140 بالل!
بارشا تۇلەكتەرگە ساتتىلىك تىلەيمىز! دايىندىعى مىقتى وقۋشىعا ءارقانداي ەمتيحان كەدەرگى كەلتىرمەيدى.
رەسپبۋليكالىق «KAZBILIM» ورتالىعى ديرەكتورى اياتجان احمەتجان.
