"اقش پەن رەسەي وداقتاس مەملەكەتتەر بولاتىنىنا سەنەمىن. مەن ءپۋتيندى قولدايمىن.

رەسەي ۋكرايناعا باسىپ كىرمەگەن جانە دە دەموكراتيالىق پارتيانىڭ ۇلتتىق كوميتەتىنىڭ ەلەكتروندىق پوشتاسىنىڭ بۇزىلۋىنا رەسەيدىڭ ەش قاتىسى جوق"، - دەپ رەسەيگە قولداۋ كورسەتكەن ەدى دونالد ترامپ. 

سونىمەن قاتار، ترامپ ناتو ۇيىمىنىڭ بولاشاعىنا كۇماندانا قارايتىنىن دا ايتتى. ترامپ ءوزىن رەسەي كەڭەسشىلەرىمەن قورشاپ، رەسەيمەن جاڭا اليانس قۇرۋدى جوسپارلاۋدا. "كوپتەگەن الەمدىك دەڭگەيدەگى ماسەلەلەردى (سيريادان باستاپ قارۋلى كۇشتەردى باقىلاۋعا الۋ سياقتى) شەشۋ ءۇشىن ەكى ەل بىرىگىپ، جۇمىس اتقارۋ كەرەك"، -دەپ ايتتى اقش-تىڭ جاڭا پرەزيدەنتى.

وكسفورد ۋنيۆەرسيتەتى سەنت-ەنتوني كوللەدجىنىڭ قىزمەتكەرى ۆلاديمير پاستۋحوۆ: ترامپ تاۋەكەلشىل، كەز كەلگەن كەزدە ءوز شەشىمىن وزگەرتۋى مۇمكىن. "مەنىڭ ويىمشا، ترامپتىڭ قارىم-قاتىناستارى «امەريكا تاۋلارى» سەكىلدى بولادى – بىردە جوعارى، بىردە تومەن، الايدا ەشقاشان ءبىرقالىپتى بولمايدى»، - دەيدى ۆلاديمير پاستۋحوۆ. مەن «ترامپ رەسەي ءۇشىن ەڭ ءتيىمدى تاڭداۋ» دەگەن اڭگىمەمەن كەلىسپەيمىن. ول بيزنەس-مادەنيەتتى قولدايدى، ال ونداي ادامدار تاۋەكەلشىل، تەك پايدانى ويلايدى جانە سوعان بايلانىستى شەشىم قابىلدايدى. پۋتينگە ترامپپەن ءتىل تابىسۋ قيىنعا سوعادى دەپ ويلايمىن. باسىندا ترامپ ءپۋتيننىڭ «قىرىم كۇنالارىن» كەشىرىپ، ونى تاياۋ شىعىس ءشولدى ايماقتارىمەن قىزىقتىرادى"، - دەپ قورىتىندىلادى پاستۋحوۆ.

ال، رەسەي مەن ازيا پروگراممالارىنىڭ ديرەكتورى نيكولاي زلوبين: ترامپ – رەسەي رۋلەتكاسى سەكىلدى، جاسى 70-كە كەلسە دە، ساياسات الەمىنە ەندى عانا ارالاسىپ ءجۇر. «رەسەيدە كلينتون-تانۋشىلارى كوپ. ولار ونىمەن بىرگە جۇمىس ىستەگەن، كەلىسسوز جۇرگىزگەن، تانىپ ۇلگەرگەندەر. الايدا رەسەي ساياساتكەرلەرى ترامپپەن تانىس ەمەس. ترامپ سىرتقى ساياساتقا وزگەرىستەر الىپ كەلۋى مۇمكىن. اقش كونگرەسسى انتيرەسەيلىك باعىتتا ەكەنىن ۇمىتپاعان ءجون. جاڭا كونگرەسستىڭ قانداي بولاتىنىن ءالى كورە جاتارمىز. اقش پەن رەسەيدىڭ ءوزارا قارىم-قاتىناسىن قۇرۋ بارىسىندا اقش-تىڭ جاڭا پرەزيدەنتىنە قالاعان ەمىن-ەركىندىك بەرىلمەيدى»، - دەپ پىكىر ءبىلدىردى زلوبين.

 «پۋتين مەن ترامپتىڭ قارىم-قاتىناسى جاقسى. سونىمەن قاتار دونالد ترامپ رەسەي مەن اقش قارىم-قاتىناستارىن ءارى قاراي دامىتۋعا ۋادە بەرگەن بولاتىن. پۋتين دە ونى قولدايدى. ال، قىرىمعا كەلەتىن بولساق، دونالد ترامپتىڭ قىرىمعا ەشقانداي قاتىسى جوق. قىرىم – رەسەي ايماعى. بۇل – فاكت. رەسەي ترامپتىڭ قىرىمدى مويىنداۋىن كۇتپەيدى»، - دەپ مالىمدەدى رەسەي پرەزيدەنتىنىڭ باسپا ءسوز حاتشىسى دميتريي پەسكوۆ.

رەسەي ەكونوميستتەرىنىڭ باسىم كوپشىلىگى ترامپتىڭ جەڭىسىنە قۋانۋدىڭ دا، قايعىرۋدىڭ دا قاجەتى جوق دەپ ەسەپتەيدى. الايدا رەسەي مەن اقش-تىڭ وداقتاستىعى بۇكىل الەمگە جاقسى اسەر ەتەتىنىنە سەنەمىز!

شولۋشى: يشانحان دايانا