ءماجىلىس ءتوراعاسى پارلامەنتتە كىمنىڭ قوجايىن ەكەنىن ۇكىمەت وكىلدەرىنىڭ ەسىنە سالدى. نۇرلان نىعماتۋلين بىر-بىرىنە ءسوز بەرىپ، بيلەپ-توستەمەك بولعان مينيسترلەرگە شۇيلىكتى. الدىڭعى سپيكەرلەردىڭ جۇمساقتىعىن پايدالانىپ ەركىنسىپ كەتكەن شەنەۋنىكتەر نىعماتۋلين مىرزانىڭ بۇعان دەيىنگى ءتوراعالىق ەتكەن كەزىندەگى قاتاڭدىعىن ۇمىتا باستاعان سىڭايلى.

بۇل تۋرالى 31 ارنا  حابارلايدى. 

تۇسكە دەيىن رەسپۋبليكالىق بيۋدجەت ماسەلەسىن تالقىلاپ، ۇزىلىستەن سوڭ مىندەتتى مەديسينالىق ساقتاندىرۋ تاقىرىبىنا قاتىستى قايتا جينالعان دەپۋتاتتاردىڭ ساۋالى كوپ بولدى. ءبارى دە، ءبىر قازانعا قۇيىلاتىن حالىقتىڭ قاراجاتى تالان-تاراجعا تۇسپەي مە دەپ الاڭدايتىن سىڭايلى.

گەنناديي شيپوۆسكيح، ق ر پارلامەنتى ءماجىلىسىنىڭ دەپۋتاتى:

-  ەرتەڭگى كۇنى سول قۇيىلعان اقشالارى الاياقتىق جاسالىپ سىرت ەلدەرگە كەتپەۋىنە قانداي كەپىلدىك بار؟ قوردىڭ بانكروتتىققا ۇشىراۋى مۇمكىن بە؟

بۇل سۇراققا جاۋاپ بەرگەن دەنساۋلىق ساقتاۋ جانە الەۋمەتتىك دامۋ ءمينيسترى تامارا دۇيسەنوۆا سپيكەردىڭ قاھارىنا ىلىكتى.

تامارا دۇيسەنوۆا، ق ر دەنساۋلىق ساقتاۋ جانە الەۋمەتتىك دامۋ ءمينيسترى:

- ەكونوميكانىڭ اۋىتقىپ، جاعدايى ناشارلاعان كەزدە قاراجاتتىڭ كوپشىلىگى مەملەكەت تاراپىنان تۇسەتىن بولادى. ال ەكونوميكانىڭ تۇراقتى جاعدايىندا بولاتىن بولسا، قاراجاتتىڭ كوبىسى جۇمىس بەرۋشىلەر مەن جۇمىسشىلاردان تۇسەتىن بولادى. اكتۋالدى ەسەپتەردى وتكىزدىك. قارجى مينيسترلىگى ەگەر دە قوسىمشا اقپارات بەرەتىن بولسا، بەرەر دەگەن ۇمىتتەمىز.

- ارينە، "جامان ءۇيدىڭ قوناعى بيلەيدى" دەيدى. ءتوراعا بار عوي. بەرەدى ءسوزدى. اۋەلى وزىڭە جاۋاپ بەر.

- كەشىرىڭىز.

بۇل - نۇرلان ءنىعماتۋليننىڭ ۇكىمەت وكىلدەرىنە ءبىرىنشى ەسكەرتۋى ەمەس. وتكەن ايدا ارىپتەستەرىنىڭ سۇراعىنا ۇزىن-سونار جاۋاپ بەرىپ جاتقان قورعانىس مينيسترىنە "يا نەمەسە جوق دەڭىز" دەپ تىيىپ تاستاعان-دى. ال 5ء-شى شاقىرىلىمدا ءتوراعالىق ەتكەن كەزىندە سول ۋاقىتتا ەندى عانا تاعايىندالعان جاڭا مينيستر ەربولات دوسايەۆتىڭ دەپۋتاتتارعا "باكە" دەپ ءسوز سويلەگەنى ۇناماي قالعان بولاتىن.

- ۋ مەنيا پروسبا ك ۆام: كومپليمەنتارنوست ۆ ناشەم ناسيونالنوم ستيلە وستاۆتە دليا زاستوليي - ۆاكە، باكە. ەسلي وبراششاەتەس ك دەپۋتاتۋ، تو پو يمەني ي وچەستۆۋ

باقىتنۇر ءالىباي، ءتىلشى:

- جالپى مىندەتتى مەديسينالىق ساقتاندىرۋعا قاتىستى ءبىرقاتار سىن ايتىلىپ، ۇسىنىستار دا ورتاعا سالىندى. ءبىراق، اينالىپ كەلگەندە دەپۋتاتتار بۇل زاڭ جوباسىن ءبىراۋىزدان ماقۇلداپ جىبەردى. تەك، بىردى-ەكىلى ماجىلىسمەننىڭ "ايتىلعان ەسكەرتپەلەر ەسكەرىلمەسە ەكىنشى وقىلىمدا قۇپتامايمىز" دەپ مىنەز كورسەتكەنى بولماسا.