شىعىس قازاقستان وبلىسىنا جاسالعان ساپار بارىسىندا انىقتالعان تاعى ءبىر ماسەلەمەن بولىسكىم كەلىپ وتىر.

شقو وسكەمەن قالاسىندا 2014 جىلدىڭ 05 مامىرىندا «long حin» (لۋن سين) مەجدۋنارودنايا تورگوۆايا كومپانيا پو ۆوستوچنو-كازاحستانسكوي وبلاستي" اتتى جاڭا جاۋاپكەرشىلىگى سەرىكتەستىگى جەرگىلىكتى ادىلەت باسقارماسىندا تىركەلىپ، زاڭدى تۇلعا قۇزىرەتىنە يە بولادى. سەرىكتەستىك باسشىسىنىڭ ءاتى-جونى سۋن ليسزيۋن.

شقو بەسقاراعاي اۋداندىق ادىلەت باسقارماسىنىڭ 10.11.2016 جىلى بەرگەن انىقتاماسىنا سايكەس «long حin» سەرىكتەستىگىنىڭ ەكى قۇرىلتايشىسى بار ەكەن. ونىڭ ءبىرى ووو "التاي سينسزي مەجدۋنارودنايا تورگوۆايا كومپانيا" سەرىكتەستىكتىڭ 50% ۇلەسى بار، ال ەكىنشىسى ووو "يلۋن پودسولنەچنيك كومپانيا ۆ گورودە داان" سەرىكتەستىكتە 50% ۇلەسكە يە.  بۇل زاڭدى تۇلعالاردىڭ اتىنان-اق ەكى قۇرىلتايشىنىڭ دا جۇڭگو ەلىندە تىركەلگەنىن اڭعارۋعا بولادى. ءبىر سوزبەن ايتقاندا «long حin» سەرىكتەستىگى جۇڭگو ەلىنىڭ قازاقستاندا تىركەلگەن زاڭدى تۇلعاسى دەپ تۇسىنگەن دۇرىس.

وسى جۇڭگو ەلىنىڭ قازاقستاندا تىركەلگەن زاڭدى تۇلعاسى 09 قازان 2015 جىلى شقو بەسقاراعاي اۋدانىنىڭ جاريالاعان اۋىلشارۋاشىلىق جەرلەرىن جالعا بەرۋ جونىندەگى كونكۋرسىنا قاتىسىپ، 4 لوت بويىنشا 14754 گەكتار جەردى جالعا الادى.

بۇل جەردەگى ايتپاعىم، جۇڭگو كومپانيالارى تاراپىنان قازاقستان زاڭدارىن بۇزۋشىلىق جوق. تەك قازاقستاننىڭ زاڭدارى، ونىڭ ىشىندە ق ر جەر كودەكسى، ق ر«زاڭدى تۇلعالاردى مەملەكەتتىك تىركەۋ جانە فيليالدار مەن وكىلدىكتەردى ەسەپتىك تىركەۋ تۋرالى»، ق ر «جاۋاپكەرشىلىگى شەكتەۋلى جانە قوسىمشا جاۋاپكەرشىلىگى بار سەرىكتەستىكتەر تۋرالى» زاڭدارىنا سايكەس شەتەلدىك جەكە نەمەسە زاڭدى تۇلعالار ەش كەدەرگىسىز قازاقستاندا جاڭا زاڭدى تۇلعا قۇرادى دا، جەردى قالاۋىنشا جالعا دا الادى، ساتىپ تا الادى.

بۇل مەملەكەتتىڭ قاۋىپسىزدىگىنە، جەردىڭ تۇتاستىعىنا، تۇبىندە ەل تاۋەلسىزدىگىنە ءقاۋىپ ءتوندىرۋى مۇمكىن.

سوندىقتان، ءبىز بىرنەشە وبلىستاردى ارالاي ءجۇرىپ، قولدانىستاعى زاڭدارعا دا تالداۋ، ساراپتاۋ جاساپ، ونىڭ ولقى جەرلەرىن دە انىقتاپ جاتىرمىز. 

الداعى ۋاقىتتا ق ر باس پروكۋراتۋراسى، ادىلەت مينيسترلىگى، اۋىل شارۋاشىلىق مينيسترلىگى، پارلامەنت قوعام بەلسەندىلەرىمەن، «الاش جولى» قوزعالىسىمەن بىرلەسە وتىرىپ، كوپتەگەن زاڭدارعا وزگەرىستەر مەن تولىقتىرۋلار ەنگىزۋ ارقىلى جۇزدەگەن، مىڭداعان گەكتار قازاق جەرىنىڭ شەتەلدىكتەردىڭ قولىندا كەتۋىنە توسقاۋىل قويۋعا ءتيىسپىز.

وسىنداي ءتۇرلى زاڭداردىڭ ولقىلىقتارىن (بالكىم ادەيى جاسالعان دا بولار) پايدالانىپ اۋىلشارۋاشىلىق جەرلەرىنە يە بولعان شەتەلدىك جەكە نەمەسە زاڭدى تۇلعالاردىڭ قاتىسۋىمەن قۇرىلعان سەرىكتەستىكتەر مەن قوعامداردى انىقتاپ، ولاردىڭ قولىنداعى جەردى مەملەكەتكە قايتارۋ جۇمىستارىن جۇرگىزۋگە ءتيىسپىز. وعان بۇكىل حالىق بولىپ جۇمىلۋى كەرەك. سوندا ناقتى ناتيجە بولادى، جەرىمىزدى ساقتاپ قالامىز.

ايدىن ەگەۋبايەۆ «الاش جولى» قوزعالىسىنىڭ مۇشەسى