قاراعاندى وبلىسىنداعى «ساران» شاحتاسىندا اپات بولدى. سول جەردە بولعان 12 ادامنىڭ 3ء-ۋى قازا تاۋىپ، 5ء-ۋى اۋرۋحانادا جاتىر.

بۇل تۋرالى كتك ارناسى حابارلايدى. 

بولجام بويىنشا، بۇل اپاتقا تاسىمال قوندىرعىسىنا ارنالعان اسپالى جولدىڭ ءۇزىلىپ كەتۋى سەبەپ. ءقازىر وقيعا ورنىندا ارنايى كوميسسيا جۇمىس ىستەۋدە. ال دارىگەرلەردىڭ ايتۋىنشا، زارداپ شەككەندەر ءتۇرلى جاراقات العان. ءبىرىنىڭ باسىنا زاقىم كەلسە، ەكىنشىسىنىڭ بەلى سىنعان. قازىرگى تاڭدا ءبىر كەنشى جانساقتاۋ بولىمىندە جاتىر. ايتا كەتەيىك، اتالمىش شاحتا «ارسەلورميتتالتەمىرتاۋ» كومپانياسىنا تيەسىلى.

سەرگەي مۋستيۆكو، «ساران» شاحتاسىنىڭ ديرەكتورى:

-قازا تاپقان مەن جاراقات العاندار 20 -دان 50 جاسقا دەيىنگى جۇمسىشىلار. ءقازىر كومپانيا باسشىلىعى قايتىس بولعانداردىڭ وتباسىلارىنا كوڭىل ايتۋعا كەتتى. ولارعا جانە جاراقات العاندارعا ماتەريالدىق كومەك كورسەتىلەدى.