ق ر اقپارات جانە كوممۋنيكاسيالار ءمينيسترى داۋرەن ابايەۆ الماتىدا وتكەن IX «مەديا قۇرىلتايدا»  شەنەۋنىكتەرگە «باق-تان «تۇمشالانىپ» جۇرەتىن ۋاقىتى ءوتتى» دەپ ەسكەرتتى.

«حانىمدار مەن مىرزالار، مەملەكەتتىك ورگانداردىڭ جابىق بولعان مەزگىلى ءوتىپ بارادى دەپ سىزدەردى سەندىرە الامىن. سىزدەر دە، بىزدەر دە قازىرگى ۋاقىتتا مەملەكەتتىك ورگانداردىڭ تيىمدىلىگى ونىڭ باق-پەن بايلانىسىمەن انىقتالاتىن بولاتىنىن جاقسى تۇسىنەمىز. بۇل — قازىرگى ۋاقىتتا بار مىندەتتى تالاپ. سوندىقتان، مەمورگان جابىق بولعان، ءمينيستردىڭ جابىق بولعان ۋاقىتتارى ءوتىپ بارادى. بۇل — قالىپتى ءۇردىس»، — دەدى مينيستر ءوز سوزىندە.

كەلەسى جىلى مەديا نارىق جانە ونىڭ قاتىسۋشىلارى تۋرالى اقپارات جارىققا شىعاتىنىن ەسكەرتە كەتەتىنىن ەسكەرتە كەتكەن ابايەۆ، «ەشتەڭە دە قۇپيا ەمەس. ءبىز قانشا ب ا ق بار ەكەنىن، قايسىسى قاي سالادا جۇمىس جاسايتىنىن جاقسى بىلەمىز. ءبىز دە، سىزدەر دە بىزدەگى سان جاعىنان كوپ باق-تىڭ جارتىسى جۇمىس ىستەمەيتىنىن نەمەسە تەك قاعاز جۇزىنە عانا بار ەكەنىن بىلەمىز»، — دەدى.

ايتا كەتەر بولساق، كونفەرەنسيا قاتىسۋشىلارى 2016 جىلى مەديا نارىعىنىڭ جاعدايىن تالقىلادى. شاراعا قازاقستاننان جانە شەت ەلدەردەن 200-دەن استام دەلەگات جينالعان. ارنايى قوناعى رەتىندە ق ر اقپارات جانە كوممۋنيكاسيالار ءمينيسترى داۋرەن ابايەۆ شاقىرىلدى. كونفەرەنسيادا قازاقستان مەدياسىنداعى جارنامالىق نارىق تا ايتىلدى.

ەسكە سالايىق، ءقازىر ق ر ب ا ق تۋرالى زاڭعا وزگەرىس ەنگىزۋ ماسەلەسى تالقىلانىپ جاتىر. 2 قاراشادا «قر-نىڭ كەيبىر زاڭنامالىق اكتىلەرىنە اقپارات جانە كوممۋنيكاسيا ماسەلەلەرى بويىنشا وزگەرىستەر مەن قوسىمشالار ەنگىزۋ» تۋرالى زاڭ جوباسىنىڭ جۇمىس توبىنىڭ وتىرىسى وتكەن بولاتىن. وسىعان دەيىن ءمينيستردىڭ Esquire.kz بەرگەن سۇحباتى قازاق تىلىنە اۋدارىلىپ، «قامشى» پورتالىندا جاريالانعان ەدى.

تاقىرىپقا تۇزدىق رەتىندە بۇعان دەيىن قازاقستاندا ءتۇرلى ماسەلەلەرگە بايلانىستى جۋرناليستەر شەنەۋنىكتەردى، دەپۋتاتتاردى سوزگە تارتۋ ءۇشىن ارنايى حات جازىپ، اپتالاپ كۇتەتىن. ءتىپتى «ۇستاپ الىپ جاتسا دا» قاشا جونەلەتىن شەنەۋنىكتەر جەتكىلىكتى. بيىلعى جىلدىڭ كوكتەم ايلارىندا جەر ماسەلەسىنە بايلانىستى پرەزيدەنت ءۇن قاتقانعا دەيىن تانىمالى جانە ءاتى-جونىن ەشكىم بىلمەيتىن دەپۋتاتتار كامەرادان قاشىپ ءجۇردى. ال، ىشكى ىستەر ءمينيسترى قالمۇحانبەت قاسىموۆ ىلعي دا جۋرناليستەردەن قاشىپ جۇرەتىنىمەن تانىمال.