قاراعاندىدا ماقاجانوۆ اتىنداعى كلينيكادا  «ساران»  شاحتاسىنىڭ 52 جاستاعى جۇمىسشىسى قايتىس بولدى، دەپ حابارلايدى قازاقپارات.

  «ساران» شاحتاسىندا» زارداپ شەككەن ءبىر جۇمىسشى 1964 ج.ت. ميحايل پاتين كوز جۇمدى. ول رانيماسياعا اۋىر حالدە تۇسكەن بولاتىن. دارىگەرلەر ونىڭ ءومىرىن ساقتاپ قالۋعا بارىن سالدى، ءبىراق جاراقاتتارى تىم اۋىر ەدى»، - دەيدى وبلىستىق دەنساۋلىق ساقتاۋ باسقارماسىنىڭ باسپا ءسوز حاتشىسى ايجان يسا. بۇرىن حابارلانعانىنداي، 10 قاراشادا قاراعاندى وبلىسىنداعى «ارسەلورميتتال تەمىرتاۋ» اق كومىر دەپارتامەنتىنىڭ «ساران» شاحتاسىندا اپات بولدى، ءۇش ادام قازا تاۋىپ،  بەس ادام زارداپ شەكتى. سوت الدى تەرگەۋ باستالدى. بۇل فاكتى ق ر قك 156-بابى 4ء-بولىمى بويىنشا ساران  ءىىب ءبىرىڭعاي سوت الدى تەرگەۋ تىزىلىمىنە تىركەلدى. قاراعاندى وبلىسى ءىىد تەرگەۋشىلەرى ىشىنەن سوتقا دەيىنگى تەرگەۋ توبى قۇرىلدى. تەرگەۋ بارىسى وبلىس پروكۋراتۋراسىنىڭ باقىلاۋىندا.