بۇگىن، سەنبى كۇنى قازاقستاننىڭ باسىم بولىگىندە اۋا رايى تۇراقسىز بولادى. كەي جەرلەردە قار جاۋىپ، بۇرقاسىنداتادى، كوكتايعاق بولادى. وڭتۇستىك-باتىستا جانە رەسپۋبليكانىڭ وڭتۇستىگىندە قار جاۋمايدى، كەي جەرلەردە تۇمان تۇسەدى، دەپ حابارلايدى قازاقپارات.

«قازگيدرومەت» رمك مالىمەتتەرىنە قاراعاندا، قاراعاندى وبلىسىنىڭ كەي جەرلەرىندە تۇمان، كوكتايعاق بولادى. جەلدىڭ كۇشى سەكۋندىنا 15-20 مەترگە جەتەدى. الماتى وبلىسىندا كەي جەرلەردە تۇمان ءتۇسىپ، كوكتايعاق بولىپ، تۇندە جەلدىڭ كۇشى 15-20 مەتر/سەكۋندقا جەتەدى. سولتۇستىك قازاقستان وبلىسىنىڭ كەي ايماقتارىندا تۇمان ءتۇسىپ، بۇرقاسىنداتىپ، جەلدىڭ كۇشى 15-20 مەتر/سەكۋند بولادى. پاۆلودار وبلىسىندا دا جەلدىڭ كۇشى 15-20 مەتر/سەكۋند بولىپ، كۇندىز جانە تۇندە كەي جەرلەردە كوكتايعاق بولادى. شىعىس قازاقستان وبلىسىنىڭ كەي جەرلەرىندە كوكتايعاق بولىپ، جەلدىڭ كۇشى 15-20 مەتر/سەكۋندقا جەتەدى. قىزىلوردا، ماڭعىستاۋ، اتىراۋ، باتىس قازاقستان، اقتوبە تۇندە جامبىل وبلىسىنىڭ كەي جەرلەرىنە تۇمان تۇسەدى.