تانىمال جۋرناليست يرينا سوۆەتجان قىزى ءوزىنىڭ ينستاگرام پاراقشاسىندا "اش-جالاڭاش دەگەن وسى شىعار" اتتى ۆيدەومەن ءبولىستى. ۆيدەودان بەلگىلى بولعانداي، الماتىداعى ساۋدا ۇيلەرىنىڭ ءبىرى جالاڭاش كىرگەندەرگە 5 مىڭ تەڭگە كولەمىندەگى ازىق-تۇلىكتى تەگىن بەرەمىز دەگەن شارت قويعان. ۆيدەودان ءبىراز جۇرتتىڭ جالاڭاش جۇرگەنى كورىنەدى.
وقيعانىڭ قاشان بولعانى بەلگىسىز. بۇل ۆيدەو الەۋمەتتىك جەلىدە قىزۋ پىكىرتالاس تۋدىرۋدا.
پىكىر قالدىرۋشىلاردىڭ ءبىر بولىگى مۇنداي اكسيانىڭ ستۋدەنتتەر ءۇشىن پايدالى ەكەنىن ايتسا، ەكىنشى تاراپ ءوز اتىن شىعارۋ ءۇشىن وسىنداي قادامعا بارعان ساۋدا ءۇيىن كىنالاۋدا. شەشىنىپ تاستاعان ادامداردىڭ اراسىندا قىز-كەلىنشەكتەر دە بار.
ايتا كەتەر بولساق، بۇلاي "جۇرتتى جالاڭاشتاۋ" وتكەن جىلدارى رەسەيدە تىركەلگەن ەدى.
